ຂປລ. ເມື່ອມໍ່ໆມານີ້, ທ່ານ ສົມໃຈ ອຸ່ນຈິດ ຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວແຂວງ (ຖວທ) ໄດ້ຫວນຄືນ ປະຫວັດຄວາມເປັນມາ ຂອງ 2 ວັນສໍາຄັນຂອງຊາດ ໂດຍໄດ້ຍົກໃຫ້ເຫັນຄວາມສຳຄັນ, ຜົນງານ ແລະ ຄຸນງາມຄວາມດີຂອງປະທານ ໄກສອນ ພົມວິຫານ ເຊິ່ງແມ່ນນັກປະຕິວັດ ທີ່ຍິ່ງໃຫຍ່ຂອງຊາດ, ເປັນຜູ້ນຳທີ່ມີຄຸນສົມບັດ ສິນທຳປະຕິວັດສູງສົ່ງ, ມີທັດສະນະມະຫາຊົນກວ້າງຂວາງ, ປະຢັດ ແລະ ບໍລິສຸດປອດໃສ ແລະ ຍົກໃຫ້ເຫັນຄວາມໝາຍຄວາມສໍາຄັນ ຂອງວັນຊາດທີ 2 ທັນວາຄົບຮອບ 40 ປີ ແມ່ນວັນທີ່ປະຊາຊົນລາວບັນດາເຜົ່າ ໄດ້ມີອິດສະລະພາບແລະ ໄດ້ເປັນເຈົ້າຂອງປະເທດຊາດ ຢ່າງແທ້ຈິງ, ແມ່ນວັນທີ່ປະເທດລາວ ໄດ້ມີເອກະລາດ ຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ, ມີຖານະເທົ່າທຽມກັບ ປະເທດອື່ນໆໃນເວທີປະຊາຄົມໂລກ. ການສະຖາປະນາ ສປປ ລາວ ຍັງແມ່ນວັນ ແຫ່ງການກ້າວສູ່ຍຸກສະໄໝໃໝ່ ແຫ່ງການສ້າງປະເທດລາວ ສັນຕິພາບ ເອກະລາດ ປະຊາທິປະໄຕ ເອກະພາບ ແລະ ວັດທະນາຖາວອນ.
ແຫ່ລງຂ່າວ
