spot_img
Homeອຸບັດເຫດແລະປາກົດການຫຍໍ້ທໍ້ລົດເມສາຍໃຕ້ ປາກເຊ-ວຽງຈັນ ພິກປິ້ນ ຢູ່ທີ່ແຂວງບໍລິຄຳໄຊ ເສຍຊີວິດຄາທີ່ 2 ຄົນ

ລົດເມສາຍໃຕ້ ປາກເຊ-ວຽງຈັນ ພິກປິ້ນ ຢູ່ທີ່ແຂວງບໍລິຄຳໄຊ ເສຍຊີວິດຄາທີ່ 2 ຄົນ

Published on

accident

ຂ່າວ​ທ້ອງ​ຖິ່ນ ໃຫ້​ຮູ້​ວ່າ: ​ປະມານ 3:30 ​ໂມງ​ຂອງວັນທີ 6 ທັນວາຜ່າ​ນມາ, ​ໄດ້​ເກີດ​​ເຫດລົດ​​ໂດຍສານສາ​ຍ​ໃຕ້ ປາກ​ເຊ-ວຽງ​ຈັນ ໝາຍ​ເລກ​ທະບຽນ ບກ4311 ກຳ​ແພງ​ນະຄອນ ​ທີ່ແລ່ນ​ອອກ​ຈາກ​​ແຂວງ​ຈຳປາ​ສັກ ມຸ້ງ​ໜ້າ​​​ເຂົ້າ​ມານະ​ຄອນ​ຫລວງ​ວຽງ​ຈັນ ດ້ວຍ​ຄວາມ​ໄວ​ສູງ​ບວກ​ໃສ່​ກັບ​ຄວາມ​ປະໝາດ​ ແລະສະພາບລົດບໍ່ພ້ອມ ​ເມື່ອ​ມາ​ຮອດ​ເຂດ​ບ້ານ​ສີວິ​ໄລ ​ເມືອງ​ປາກ​ຊັນ ​ແຂວງ​ບໍລິ​ຄຳ​ໄຊ ​​(ໃກ້​ຈະ​ຮອດ​ຂົວ​ນ້ຳ​ຊັນ), ​ເຊິ່ງ​ເປັນ​​ເຂດ​​ເສັ້ນທາງ​ເປ່​ເພ​ຊໍາ​ເຮື້ອ ມາ​ດົນ​ນານ​ແລ້ວ, ​ເຮັດ​ໃຫ້​ລົດ​​ເສຍຫລັກພິກປິ້ນລົງ​ກາງ​ຖະໜົນ ສົ່ງຜົນໃຫ້ຜູ້ໂດຍສານ​ໃນລົດໄດ້ຮັບບາດເຈັບ 20 ກວ່າຄົນ ແລະ ເສຍຊີວິດ 2 ຄົນ, ຊຶ່ງ​ລວມມີຄົນ​ໄທ, ຝຣັ່ງ ​ແລະ ​ເກົາຫລີ ຈຳນວນ​ໜຶ່ງ, ຊຶ່ງ​ໄດ້​ສົ່ງ​​ເຂົ້າໄປ​ປິ່ນປົວ​ຢູ່​ໂຮງໝໍ​ແຂວງ​ບໍລິ​ຄຳ​ໄຊ ທັງ​ໝົດ​ແລ້ວ. ສ່ວນ​ສາ​ເຫດ​ຂອງ​ການ​​ເກີດ​ອຸປະຕິ​ເຫດ ​ເຈົ້າ​ໜ້າ​ທີ່​ຈະລາຈອນ​ແຂວງ ຍັງ​ເລັ່ງສືບສວນ-ສອບ​ສວນ ​ເພື່ອ​ດຳ​ເນີນ​ຄະດີ​ຕາມ​ລະບຽບ​ກົດໝາຍ.

​​ເຈົ້າໜ້າ​ທີ່ ຈະລາຈອນ ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ​ຕອນ​ຄ້າຍ​ແລງຂອງ​ວັນທີ 5 ທັນວາ​ນີ້, ​​ໄດ້​ເກີດ​ເຫດ​ລົດ​​ເກັງ ໝາຍ​ເລກ​ທະບຽນ ກກ 7317 ກຳ​ແພງນະຄອນ ຂັບ​ຂີ່​​ໂດຍ​ທ້າວ ສຸກ​ສະຫວັນ ອາຍຸ 15 ປີ ນັກຮຽນ ຢູ່​ບ້ານ​ໂພນ​ພະ​ເນົາ ​ເມືອງ​ໄຊ​ເສດ​ຖາ ​ແລ່ນມາ​ແຕ່​ປະຕູ​ໄຊດ້ວຍ​ຄວາມ​ໄວ​ສູງ ມຸ້ງ​ໜ້າ​ໄປ​ທາງ​ວົງວຽນ 450ປີ ພໍ​ມາຮອດ​ເຂດ​ບ້ານ​ໂພນ​ສະອາດ ​ເມືອງ​ໄຊ​ເສດ​ຖາ ​ໄດ້​ໄປຕຳ​ເອົາ​ທ້າຍລົດຈັກ 2 ຄັນ​ທີ່​​ແລ່ນ​ມາ​​ໃນ​ທິດ​ທາງ​ດຽວກັນຄື: ລົດຈັກ​ໝາຍ​​ເລກ​ທະບຽນ ຍຣ 7714 ແລະ ອີກ​ໜຶ່ງ​ຄັນ ໝາຍ​ເລກ​ທະບຽນ ຍກ 4959 ກຳ​ແພງ​ນະຄອນ ​ແລ້ວຟຸ້ງ​ໄປ​ຕຳ​ເອົາ​ລົດ​ໃຫຍ່​ອີກ 2 ຄັນ​ທີ່​ຈອດ​ຢູ່​​ແຄມ​ທາງ​ບໍລິ​ເວນ​ດັ່ງກ່າວ​ຄື: ລົດ​​ກະບະ ໝາຍ​​ເລກ​ທະບຽນ ກຍ 4243 ກຳ​ແພງ​ນະຄອນ ​ແລະ ລົດ​ກະ​ປອງ​ ໝາຍ​ເລກ​ທະບຽນ ກຣ 7879 ກໍາ​ແພງ​ນະຄອນ ສົ່ງ​ຜົນ​ໃຫ້​ທ້າວ ບຸນ​ມາກ (ຜູ້​ຂັບ​ຂີ່​ລົດຈັກ) ​ເສຍ​ຊີວິດ​ຄາທີ່ ​ແລະ ​ໃນທ່ຽງ​ຄືນ​ຂອງ​ວັນ​ດຽວ​ກັນ ​ໄດ້​ເກີດ​ເຫດ​ລົດ​​ກະບະ ໝາຍ​ເລ​ກທະບຽນ ກນ 6879 ກຳ​ແພງ​ນະຄອນ ຂັບ​ຂີ່​ໂດຍ​ທ້າວ ພຸດທະ​ສອນ ອາຍຸ 20 ປີ ນັກ​ສຶກສາ ຢູ່​ບ້ານ​ແກ້ງ​ປາຢາງ ​ເມືອງ​ຫາດ​ຊາຍ​ຟອງ ​ເສຍ​ຫລັກ​ຕຳ​ເອົາ​ກຳ​ແພງ​ໃກ້​ປະຕູ​ທາງ​ເຂົ້າຫໍ​ຄໍາ (ຫ້ອງ​ວ່າການ​ປະທານ​ປະ​ເທດ) ສອດ​ທະລຸ​ເຂົ້າ​ໄປຂ້າງ​ໃນ ​ເຮັດ​ໃຫ້​ຜູ້​ຂັບ​ຂີ່​ໄດ້​ຮັບ​ບາດ​ເຈັບ​ສົມຄວນ.

ແຫ່ລງຂ່າວ

ລພນ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...