ໃນເດືອນ ມີນາ ທີ່ຜ່ານມານັ້ນມີຂ່າວວ່າ Microsoft ກຳລັງທົດສອບໃຊ້ງານ Windows 10 Mobile ກັບໂທລະສັບມືຖື Android ຄືລຸ້ນ Xiaomi Mi 4 , ຈົນມາຮອດເດືອນ ເມສາ Microsoft ໄດ້ປ່ອຍພາບຂອງ Mi 4 ທີ່ກຳລັງໃຊ້ງານ Windows 10 Mobile. ເຊິ່ງມື້ນີ້ເອງທາງ Microsoft ໄດ້ປ່ອຍ ROM Windows 10 Mobile ໃຫ້ສຳລັບ Xiaomi Mi 4 ຢ່າງເປັນທາງການ ແລະທາງ Xiaomi ກໍໄດ້ປ່ອຍພາບສະມາດໂຟນເຮືອທຸງຂອງຕົນເອງທີ່ໃຊ້ງານລະບົບປະຕິບັດການ Windows 10 Mobile ລົງສູ່ໜ້າເວັບ Weibo.
ແຕ່ກົງກັນຂ້າມກັນຄື ສຳລັບສະມາດໂຟນ Lumia ທີ່ Microsoft ເປັນຜູ້ຮັບຜິດຊອບຜະລິດຕະພັນຢູ່ນັ້ນ ຍັງບໍ່ມີການປ່ອຍອັບເດດ ROM Windows 10 Mobile ອອກມາເທື່ອ ແຕ່ມີການຄາດການວ່າຈະມີການປ່ອຍການອັບເດດພາຍໃນເດືອນທັນວານີ້ ຖ້າຊ້າສຸດກໍຄົງເປັນ ເດືອນມັງກອນປີໜ້າ.
ທີ່ມາ: phonearena