ສຳນັກຂ່າວຕ່າງປະເທດ ລາຍງານໃນວັນທີ 3 ທັນວານີ້ວ່າ ສະຫະພາບເອີຣົບ ແລະ ຫວຽດນາມ ໄດ້ລົງນາມ ຂໍ້ຕົກລົງການຄ້າເສລີ ໃນວັນທີ 2 ທັນວາ 2015 ຢ່າງເປັນທາງການ ທີ່ສຳນັກງານຄະນະກຳມາທິການເອີຣົບ ນະຄອນຫລວງບຣຸກແຊນ ປະເທດແບນຊິກ ຫລັງຈາກທີ່ມີການເຈລະຈາຍາວນານ ເຖິງ 2 ປີເຄິ່ງ. ພາຍໃຕ້ຂໍ້ຕົກລົງການຄ້າເສລີດັ່ງກ່າວນີ້ ຈະເຮັດໃຫ້ທັງສອງຝ່າຍ ຍົກເລີກພາສີເກືອບທັງໝົດ ແລະ ຂະຫຍາຍມູນຄ່າການຄ້າ ລະຫວ່າງສະຫະພາບເອີຣົບ ແລະ ຫວຽດນາມ ໃຫ້ສູງຂຶ້ນ.