ແກຣີ ເນວິນລ໌ ອະດີດກອງຫຼັງ ແມນເຊສເຕີ ຢູໄນເຕັດ ໄດ້ຮັບການແຕ່ງຕັ້ງເຮັດຫນ້າທີ່ຜູ້ຈັດການທີມ ບາເລນເຊຍ ສະໂໝສອນຊື່ດັ່ງແຫ່ງ ລາ ລີກາ ແອດສະປາຍ ຈົນສີ້ນສຸດລະດູການ 2015-16

ເນວິນລ໌ ອາຍຸ 40 ປີ ປະກາດແຂວນສະຕັ້ນຕັ້ງແຕ່ປີ 2011 ສະສົມປະສົບການຈາກການຮັບງານເປັນສະຕ໊າບຂອງ ຣອຍ ຣັອດຈ໌ສັນ ຜູ້ຈັດການ ທີມຊາດອັງກິດ ແລະຄອມເມນເຕເຕີ “ສະກາຍ ສະປອດ” ສະຖານີໂທລະພາບປະຈຳອັງກິດ

“ບາເລນເຊຍ” ກຳລັງຊອກຫາ ຄູເຝິກຄົນໃໝ່ ຫລັງຈາກ ນູໂນ ເອສປິຣິໂຕ ຊານໂຕ ຊາວປອກຕຸຍການ ຍື່ນໃບລາອອກ ຫຼັງຈາກເກມການແຂ່ງຂັນທີ່ເສຍໃຫ້ ເຊບີຍາ 0-1 ທີ່ສະໜາມ ເອສຕາດິໂອ ລາມອນ ຊານເຊຊ ປິຄວນ ເມື່ອວັນອາທິດວັນທີ 29 ພະຈິກ 2015 ທີ່ຜ່ານມາ

ປະຈຸບັນ ຟິນ ເນວິນລ໌ ນ້ອງຊາຍ ກຳລັງປະຕິບັດພາລະກິດຈົດສະຕ໊າບໂຄຊຈ໌ “ລອດສ໌ ເຊດສ໌ ແລະ ຈະດຳລົງຕຳແໜ່ງຜູ້ຊ່ວຍຂອງ ໂບໂຣ ຄູເຝິກທີ່ຂັດຕາທີມ ໃນການແຂ່ງຂັນເກມ ໂກປາ ເດິ ເລຍ໌ ຮອບ 32 ທີມສຸດທ້າຍໝາຍເລກ 1 ພົບ ບາຣາກັນໂດ ທີມຈາກ ເຊກຸນດາ ເບ

ແກຣີ ເນວິນລ໌ ຊຶ່ງຮູ້ຈັກກັບ ປີເຕີລ໌ ລິມ ເຈົ້າຂອງທີມຊາວສິງກະໂປ ຈາກການເປັນຫຸ້ນສ່ວນຂອງ ຊັນຟອລ໌ດ ຊິຕີ ສະໂມອນນອກລີກ ກ່າວ “ຂ້ອຍຮູ້ສຶກຕື່ນເຕັ້ນຢ່າງຍິ່ງທີ່ໄດ້ຮັບໂອກາດ ບາເລນເຊຍ ເປັນສະໂໝສົນທີ່ຍິ່ງໃຫຍ່ ຂ້ອຍຮູ້ມາຕັ້ງແຕ່ສະໄໝເປັນນັກເຕະວ່າ ແຟນໆ ຮັກ ບາເລນເຊຍ ເທົ່າໃດ ຂ້ອຍໃຈຈົດໃຈຈໍ່ຢູ່ກັບການຮ່ວມງານຂອງນັກເຕະທີ່ມີພອນສະຫວັນຂອງທີມ ແລະ ຄວາມທ້າທາຍທີ່ລໍຖ້າຢູ່”

ສຳລັບເກມທຳອິດຢ່າງເປັນທາງການຂອງ ເນວິນລ໌ ຈະຕ້ອງພົບເສິກໜັກກັບ ບາເຊໂລນາ ແຊ້ມປ໌ເກົ່າ ທີ່ສະໜາມ ເມດສ໌ຕາຢາ ສະເຕດຽມ ໃນວັນເສົາວັນທີ 5 ທັນວາ 2015 ແລະ ເກມຮອບແບ່ງກຸ່ມ ນັດສຸດທ້າຍ ເສິກ ຍູຟາ ແຊ້ມປຽນ ລີກ ພົບ ໂອລິມປິກ ລີຢົງ ໃນວັນພຸດວັນທີ 9 ທັນວາ 2015