ສະບາຍດີມື້ນີ້ມີຂ່າວໃໝ່ກ່ຽວກັບ Nokia C1 ມາຝາກ ຫຼັງຈາກກ່ອນໜ້ານີ້ນັ້ນເຮົາໄດ້ສະເໜີຂ່າວກ່ຽວກັບພາບເຣນເດີ້ທີ່ຫຼຸດອອກມາຂອງສະມາດໂຟນ Nokia C1 ທີ່ຈະມາພ້ອມລະບົບປະຕິບັດການ Android ແລະ Windows 10 Mobile ໄປແລ້ວ.
ຕາມລາຍງານບອກວ່າ Nokia C1 ແມ່ນຖືກຍົກເລີກໄປກ່ອນໜ້ານີ້ແລ້ວ ເພາະຕ້ອງການຍ້າຍໄປສ້າງຕົ້ນແບບທີ່ທັັນສະໄໝໃໝ່ກວ່ານີ້ (ຍົກເລີກໂຕເກົ່າແລ້ວໄປສ້າງໂຕໃໝ່)
ສຳລັບລາຍລະອຽດກ່ຽວກັບສະເປັກຂອງ Nokia C1 ມີດັ່ງນີ້:
ໜ້າຈໍ:
– 5 ນິ້ວ, ຄວາມລະອຽດ Full HD
– 5.5 ນິ້ວ, ຄວາມລະອຽດ Full HD
ລະບົບປະຕິບັດການ:
– Android
– Windows 10
ໜ່ວຍຄວາມຈຳ:
– Rom 32 GB ພ້ອມກັບ Ram 2 GB
– Rom 64 GB ພ້ອມກັບ Ram 3 GB
ກ້ອງ:
– ກ້ອງຫຼັງຄວາມລະອຽດ 8 MP ແລະ ກ້ອງໜ້າຄວາມລະອຽດ 5 MP
– ກ້ອງຫຼັງຄວາມລະອຽດ 13 MP ແລະ ກ້ອງໜ້າຄວາມລະອຽດ 5 MP
ສ່ວນພາບເຣນເດີ້ຫຼຸດອອກມານັ້ນທາງຕົ້ນຂ່າວບອກວ່າ ບໍ່ຄວນຈະປັກໃຈເຊື່ອເທື່ອເພາະວ່າຍັງບໍ່ສາມາດຢືນຢັນໄດ້ວ່າເປັນຮູບແທ້ຫຼືບໍ່ , ເພາະວ່າມັັນບໍ່ໄດ້ຍາກເລີຍທີ່ຄົນອື່ນຈະສາມາດສ້າງພາບພວກນີ້ຂຶ້ນມາເອງ. ແຕ່ໝັ້ນໃຈໄດ້ເລີຍວ່າໂນເກຍຈະກັບມາສ້າງສະມາດໂຟນໃຫ້ເຮົາໄດ້ຊົມໃຊ້ອີກຄັ້ງຢ່າງແນ່ນອນເພາະກ່ອນໜ້ານີ້ເອງຜູ້ບໍລິຫານຂອງໂນເກຍກໍໄດ້ອອກມາຢືນຢັນແລ້ວວ່າ ຈະກັບມາເຮັດທຸລະກິດກ່ຽວກັບຕະຫຼາດສະມາດໂຟນອີກຢ່າງແນ່ນອນ.
ທີ່ມາ: nokiapoweruser