ເປີດໂຕຢ່າງເປັນທາງການແລ້ວສຳລັບໂທລະສັບມືຖືເຮືອທຸງຈາກຫົວເຫວີ່ຍ ທີ່ປະເທດຈີນໃນມື້ນີ້ ທີ່ມີນາມວ່າ ” Mate 8 ” ທີ່ເປັນລຸ້ນສານຕໍ່ຈາກ Mate 7. Huawei Mate 8 ນີ້ໂຕເຄື່ອງແມ່ນເຮັດດ້ວຍອະລູມິນ້ຽມແບບຂຶ້ນຮູບໝົດໂຕຫຼືໄຮ້ຮອຍຕໍ່ ແລະໜ້າຈໍເປັນແກ້ວໂຄ້ງມົນແບບ 2.5D ສ່ວນດ້ານຫຼັງນັ້ນມີເຊັນເຊີ້ສະແກນລາຍນິ້ວມືນຳ
ສິ່ງທີ່ເປັນສ່ວນສຳຄັັນທີ່ສຸດຂອງ Mate 8 ກໍຄົງຈະເປັັນຊິບປະມວນຜົນໃໝ່ຄື HiSilicon Kirin 950 SoC. ເຊິ່ງຊິບປະມວນຜົນດັ່ງກ່າວນີ້ຫາກ່ອນໄດ້ເປີດໂຕໄປເມື່ອອາທິດກ່ອນນີ້ເອງ. ສຳລັບຊິບປະມວນຜົນ Kirin 950 ແມ່ນໃຊ້ຂະບວນການຜະລິດແບບ 16 ນາໂນແມັດ ມາພ້ອມກັບເທັກໂນໂລຢີທີ່ເອີ້ນວ່າ FinFET ທີ່ຊ່ວຍໃຫ້ການເຮັດວຽກມີປະສິດທິພາບສູງເຖິງ 40% ແລະປະຫຍັດພະລັງງານໄດ້ຫຼາຍກວ່າ 60% ໂດຍຊີພີຢູເປັນແບບ Octa-core ແບ່ງເປັນ Quad-core Cortex-A72 ຄວາມໄວສູງສຸດ 2.3GHz ຈະເຮັດວຽກເມື່ອລະບົບຕ້ອງການປະມວນຜົນລະດັບສູງຫຼືດີທີ່ສຸດ ແລະ Quad-core Cortex-A53 ຄວາມໄວສູງສຸດ 1.8GHz ເນັັ້ນການເຮັດວຽກເພຶ່ອປະຫຍັດພະລັງງານ ເຊິ່ງທັງ 2 ໂຕນີ້ຈະສະຫຼັບກັນເຮັດວຽກດ້ວຍເທັກໂນໂລຢີທີ່ເອີ້ນວ່າ big.LITTLE ແລະມາພ້ອມກັບຈີພີຢູ Mali-T880 ທີ່ມີປະສິດທິພາບຫຼາຍຂຶ້ນກວ່າລຸ້ນກ່ອນໆ ແລະໜ່ວຍປະມວນຜົນຮ່ວມ i5 ທີ່ຈະຊ່ວຍຈັດການໃນເລື່ອງຂອງການປະຫຍັດພະລັງງານ
ສະຫຼຸບສະເປັກຂອງ Huawei Mate 8 ດັ່ງນີ້:
– ໜ້າຈໍ: 6 ນິ້ວ IPS LCD ຄວາມລະອຽດ 1080 x 1920 ພິກເຊວ
– ຊີພີຢູ: HiSilicon Kirin 950 4x Cortex A53 @ 1.8GHz, 4x Cortex A72 @ 2.3GHz
– ຈີພີຢູ: Mali-T880MP4 @ 900MHz
– ແບັດເຕີຣີ: 4,000mAh
– ລະບົບປະຕິບັດການ: Android 6.0 Marshmallow ຄອບດ້ວຍ Huawei Emotion UI 4.0
+ ກ້ອງ:
– ກ້ອງຫຼັງ : 16MP ໃຊ້ເຊັນເຊີ້ຂອງ Sony IMX298 ດ້ວຍຮູຮັບແສງ f/2.0
-ກ້ອງໜ້າ : 8MP ໃຊ້ເຊັນເຊີ້ຂອງ Sony IMX179 ດ້ວຍຮູຮັບແສງ f/2.4+ ມີ 3 ລຸ້ນ :
– ລຸ້ນ Ram 3 GB ພ້ອມດ້ວຍ Rom 32 GB ລາຄາ 2999 – 3199 ຢວນ (3.820.000 – 4.100.000 ກີບ)
– ລຸ້ນ Ram 4 GB ພ້ອມດ້ວຍ Rom 64 GB ລາຄາ 3699 ຢວນ (4.710.000 ກີບ)
– ລຸ້ນ Ram 4 GB ພ້ອມດ້ວຍ Rom128 GB ລາຄາ 4399 ຢວນ (5.600.000 ກີບ)+ ມີ 4 ສີ:
– ສີທອງ (Champagne Gold),
– ສີເງິນ (Moonlight Silver),
– ສີເທົາ (Space Gray)
– ສີນ້ຳຕານ (Mocha Brown)
*ຂໍ້ມູນທີ່ລະອຽດກວ່ານີ້ສາມາດເຂົ້າໄປອ່ານໄດ້ທີ່ລິ້ງຂ່າວຕົ້ນສະບັບໄດ້ເດີ້
ສຳລັບກຳນົດການວາງຂາຍນັ້ນແມ່ນໄຕມາດທຳອິດຂອງປີ 2016 ແມ່ນເລີ່ມວາງຂາຍໃນປະເທດຈີນເປັນປະເທດທຳອິດ
ທີ່ມາ: anandtech