spot_img
Homeຂ່າວທ້ອງຖິ່ນເມືອງຫົງສາ ຈັດການກັບສິນຄ້າໝົດອາຍຸ

ເມືອງຫົງສາ ຈັດການກັບສິນຄ້າໝົດອາຍຸ

Published on

12270578_183569538657507_1947486741_n 12309310_183569528657508_1542344072_n

ໃນຕອນເຊົ້າຂອງວັນທີ 11 ພະຈິກ 2015 ຜ່ານມາ ໄດ້ມີພິທີທຳລາຍສິນຄ້າໝົດອາຍຸຂອງ​ການ​ນຳ​ໃຊ້ ຢູ່ທີ່ຫ້ອງການ ອຸດສາຫະກຳ-ການ​ຄ້າ​ເມືອງ​ ຫົງ​ສາ. ມີ ທ່ານ ສອນ​ສະ​ນິດ ​ເພັດ​ໄຊ ຫົວໜ້າຫ້ອງການອຸດສາຫະກໍາ-ການຄ້າ ເມືອງ ຫົງ​ສາ, ມີ​ບັນດາຄະນະ​ກຳມະການ​ກວດກາຄຸ​ນະພາ​ບສິນຄ້າພາຍ​ໃນ​ເມືອງ ​ແລະ ພະນັກງານ ວິຊາການ ຫ້ອງການ​ດັ່ງກ່າວເຂົ້າຮ່ວມ.

ທ່ານ ສອນ​ສະ​ນິດ ​ເພັດ​ໄຊ ຫົວໜ້າຫ້ອງການ ອຸດສາຫະກຳ-ການຄ້າ ເມືອງ ຫົງ​ສາ ໄດ້ໃຫ້ຮູ້ວ່າ: ນັບແຕ່ຕົ້ນ​ເດືອນ ຕຸລາ ເຖິງ ຕົ້ນ​ເດືອນ ພະຈິກ ປີ 2015 ທາງຫ້ອງການ ອຸດສາຫະກຳ-ການຄ້າເມືອງ ຮ່ວມກັບຄະນະກຳມະການກວດກາຄຸນະພາບທີ່ຖືກແຕ່ງຕັ້ງຄັ້ງນີ້, ໄດ້ເອົາໃຈໃສ່ເຄື່ອນໄຫວຕາມພາລະບົດບາດ, ຂອບເຂດສິດ ແລະ ໜ້າທີ່ຂອງຂະແໜງການສາຍຕັ້ງໄດ້ມອບໝາຍໃຫ້ ເຊິ່ງສາມາດກວດກາເຫັນ ແລະ ຍຶດສິນຄ້າປະເພດປະ​ເພດ​ອຸປະ​ໂພ​ກ-ບໍລິ​​ໂພ​ກທີ່ໝົດອາຍຸການນຳໃຊ້​ເປັນ​ຕົ້ນ​ແມ່ນ: ເຄື່ອງ​ດື່ມ, ​ເຄື່ອງປຸງ​ແຕ່ງອາຫານ, ເຂົ້າໜົມ, ສີ​ຍ້ອມ​ຜົມ, ໝີ່ ​ແລະ ​ໂລ​ຊັ່ນ​ທາ​ຜິວ… ລວມ​ແລ້ວ​ມີ​ທັງ​ໝົດ 26 ລາຍການ ມູນຄ່າ 4 ລ້ານ​ກວ່າກີບ. ສໍາລັບການທໍາລາຍສິນຄ້າຄັ້ງນີ້ ແມ່ນໄດ້ທຳລາຍດ້ວຍ​ການ​ຈູດ-​ເຜົາ ຢູ່​ສະຖານ​ທີ່​ຖິ້ມ​ຂີ້​ເຫຍື້ອ​ຂອງ​ເມືອງ ​ເຂດ​ບ້ານ ສີ​ບຸນ​ເຮືອງ ຫ່າງ​ຈາກ​ບ້ານ​ອອກ​ໄປ 16 ກິ​ໂລ​ແມັດ.

ທັງນີ້ ກໍເພື່ອປຸກຈິດສຳນຶກໃຫ້ແກ່ຜູ້ບໍລິ​ໂພ​ກ ​ແລະ ຜູ້ປະກອບການທຸລະກິດຕໍ່ການເຄົາລົບລະບຽບກົດໝາຍ ​ເພື່ອແນໃສ່ສົ່ງເສີມ ແລະ ປົກປ້ອງບັນດາຫົວໜ່ວຍທຸລະກິດການຄ້າ ທີ່ເຄື່ອນໄຫວຢ່າງຖືກຕ້ອງ ສອດຄ່ອງກັບລະບຽບກົດໝາຍເປັນໄປຕາມເສດຖະກິດຕະຫຼາດທີ່ມີການດັດສົມຂອງລັດ ສົ່ງເສີມການຜະລິດສິນຄ້າປະກອບສ່ວນເຂົ້າໃນວຽກງານຄຸ້ມຄອງສິນຄ້າ ແລະ ປົກປ້ອງສິດຜົນປະໂຫຍດຂອງຜູ້ຊົມໃຊ້.

ຂ່າວ ແລະ ພາບ: KTS_hongsa.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...