spot_img
Homeຂ່າວຕ່າງປະເທດຕວກກີຍິງ Su-24 ຣັດເຊຍຕົກ ໃກ້ຊາຍແດນຊີຣີ ປູຕິນອອກປະນາມ ເປັນການແທງຂ້າງຫລັງ!

ຕວກກີຍິງ Su-24 ຣັດເຊຍຕົກ ໃກ້ຊາຍແດນຊີຣີ ປູຕິນອອກປະນາມ ເປັນການແທງຂ້າງຫລັງ!

Published on

EyWwB5WU57MYnKOuYBmauwmKou1NTXHJrhg8Yv0SUl1iBmALWs9DWh

ສຳນັກຂ່າວຕ່າງປະເທດ ລາຍງານໃນວັນທີ 25 ພະຈິກນີ້ວ່າ ເຮືອສູ້ຮົບບິນ F-16 ຂອງກອງທັບຕວກກີ ໄດ້ຍິງເຮືອບິນສູ້ຮົບ Su-24 ຂອງຣັດເຊຍ ຕົກໃນບໍລິເວນ ຊາຍແດນຕວກກີ-ຊີຣີ ໃນມື້ວານນີ້ (24 ພະຈິກ) ໂດຍອ້າງວ່າ ເຮືອບິນລຳດັ່ງກ່າວ ລ່ວງລ້ຳນ່ານຟ້າຂອງຕວກກີ ແລະ ບໍ່ຮູ້ເປັນເຮືອບິນສູ້ຮົບຂອງປະເທດໃດ ອີກທັງຍັງບໍ່ຮູ້ ຊາຕາກຳຂອງນັກບິນ ເທິງເຮືອບິນລຳດັ່ງກ່າວ.

ຕໍ່ມາກະຊວງປ້ອງກັນປະເທດຣັດເຊຍ ໄດ້ອອກມາຢືນຢັນວ່າ ເຮືອບິນ Su-24 ຖືກຍິງຕົກໃນຊີຣີ ໂດຍເຮືອບິນດັ່ງກ່າວນີ້ ຖືກສົ່ງໄປປະຕິບັດການ ໂຈມຕີກຸ່ມກໍ່ການຮ້າຍໄອເອັສ ໃນປະເທດຊີຣີ ບໍ່ໄດ້ລ່ວງລ້ຳນ່ານຟ້າຂອງຕວກກີ ແລະ ກໍບິນໃນລະດັບຄວາມສູງ 6,000 ແມັດ. ໃນຂະນະທີ່ ປະທານາທິບໍດີ ວະລາດີເມຍ ປູຕິນ ແຫ່ງຣັດເຊຍ ໄດ້ອອກມາປະນາມຕວກກີວ່າ ເຫດການດັ່ງກ່າວນີ້ ເປັນການແທງຂ້າງຫລັງ ໂດຍແມ່ນຜູ້ໃຫ້ຄວາມຮ່ວມມື ກັບກຸ່ມຜູ້ກໍ່ການຮ້າຍ ແລະ ເຕືອນອີກວ່າ ໃຫ້ລະວັງຜົນຮ້າຍແຮງທີ່ຈະຕາມມາ ໃນດ້ານຄວາມສຳພັນ ລະຫວ່າງຣັດເຊຍ ແລະ ຕວກກີ.

ຫລ້າສຸດ ທ່ານ ເຊີເກ ຣາບຣອບ ລັດຖະມົນຕີວ່າການ ກະຊວງການຕ່າງປະເທດຣັດເຊຍ ໄດ້ຖະແຫລງຍົກເລີກ ກຳນົດການຢ້ຽມຢາມຕວກກີ ຢ່າງເປັນທາງການ ໃນວັນທີ 25 ພະຈິກນີ້ແລ້ວ ພ້ອມທັງອອກເຕືອນປະຊາຊົນ ໃຫ້ລະວັງໃນການເດີນທາງ ເຂົ້າໄປປະເທດຕວກກີ.

EyWwB5WU57MYnKOuYBmau5x6KbpiLQrkAZeJVsEum8HOf8UebLpoyS

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...