ກອງປະຊຸມທົບທວນ ແລະ ປຶກສາຫາລືກ່ຽວກັບການປະສານງານ ອົງການກວດສອບແຫ່ງລັດ ແລະ ອົງການກວດກາລັດຖະບານ ປະຈຳປີ 2015 ຂຶ້ນ ວັນທີ 23 ພະຈິກ 2015 ຢູ່ທີ່ອົງການກວດສອບແຫ່ງລັດ ໂດຍເປັນປະທານຂອງທ່ານ ດຣ. ບຸນທອງ ຈິດມະນີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ທ່ານ ດຣ. ນາງ ວຽງທອງ ສີພັນດອນ ປະທານອົງການກວດສອບແຫ່ງລັດ ມີບັນດາພະນັກງານອົງການກວດສອບແຫ່ງລັດ ອົງການກວດກາລັດຖະບານ ຕາງໜ້າກົມກວດກາພະແນກກວດກາ ບັນດາກະຊວງ ແລະ ຕ່າງແຂວງເຂົ້າຮ່ວມ.
ກອງປະຊຸມໄດ້ທົບທວນຄືນ ຜົນການຈັດຕັ້ງປະຕິບັດບົດບັນທຶກການປະສານງານ ລະຫວ່າງອົງການກວດກາລັດຖະບານກັບອົງການກວດສອບແຫ່ງລັດ ທົບທວນຄືນຜົນການຈັດຕັ້ງປະຕິບັດ ມະຕິຂອງສະພາແຫ່ງຊາດ ການເຜີຍແຜ່ມະຕິຂອງສະພາແຫ່ງຊາດ ກ່ຽວກັບວຽກງານກວດສອບແຫ່ງລັດ ແລະ ວຽກງານກວດກາລັດຖະບານ ຜົນການກວດສອບບົດສະຫຼຸບຂາດຕົວງົບປະມານແຫ່ງລັດ ຜ່ານຮ່າງບົດບັນທຶກການປະສານງານລະຫວ່າງ ອົງການກວດກາລັດຖະບານກັບອົງການກວດສອບແຫ່ງລັດ ນອກຈາກນັ້ນ ກອງປະຊຸມຍັງໄດ້ມີການປະກອບຄຳເຫັນຂອງອົງການກວດກາລັດຖະບານ ວຽກງານການກວດສອບອົງການຈັດຕັ້ງລັດ ວຽກງານການກວດສອບທະນາຄານ ແລະ ວິສາຫະກິດ ຄຳເຫັນຂອງຄະນະກວດສອບ ອົງການກວດສອບປະຈຳພາກເໜືອຂອງຄະນະກວດສອບ ອົງການກວດສອບປະຈຳພາກກາງ ອົງການກວດສອບປະຈຳພາກໃຕ້ ອົງການກວດສອບແຫ່ງລັດ ອົງການກວດສອບລັດຖະບານ ກົມກວດກາກະຊວງການເງິນ ກະຊວງແຜນການ ແລະ ການລົງທຶນ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກະຊວງພະລັງງານ ແລະ ບໍ່ແຮ່ ກະຊວງໂຍທາທິການ ແລະ ຂົນສົ່ງ ພະແນກກວດກາລັດ ນະຄອນຫຼວງວຽງຈັນ ແຂວງຫຼວງພະບາງ ສະຫວັນນະເຂດ ແລະ ພະແນກກວດກາລັດ ແຂວງຈຳປາສັກ ໃນຕອນທ້າຍທ່ານ ດຣ. ບຸນທອງ ຈິດມະນີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ໄດ້ໃຫ້ກຽດໂອ້ລົມຕໍ່ກອງປະຊຸມຕື່ມອີກ.
ແຫ່ລງຂ່າວ
