ເມື່ອມໍ່ໆມານີ້ກະຊວງກະສິກຳ ແລະ ປ່າໄມ້ໄດ້ຈັດພິທີມອບໃບຍ້ອງຍໍໃຫ້ຊ່ຽວຊານໂຄງການປັບປຸງຊີວິດການເປັນຢູ່ຂອງປະຊາຊົນເຂດພູດອຍ ແລະ ພູພຽງເຂດພາກໃຕ້ຂອງລາວທີ່ມີຜົນງານດີເດັ່ນຂຶ້ນ,ທີ່ກົມລ້ຽງສັດ ແລະ ການປະມົງ,ກະຊວງດັ່ງກ່າວ, ໂດຍການເຂົ້າຮ່ວມຂອງທ່ານ ດຣ ບຸນຂວາງ ຄຳບຸນເຮືອງລັດຖະມົນຕີຊ່ວຍວ່າການກະຊວງກະສິກຳ ແລະ ປ່າໄມ້, ໂຄງການດັ່ງກ່າວເລີ່ມຈັດຕັ້ງປະຕິບັດມາແຕ່ປີ 2011 ຮອດປັດຈຸບັນຖືວ່າເປັນປີສຸດທ້າຍ ຂອງການຈັດຕັ້ງປະຕິບັດ ແລະ ເຫັນວ່າມີປະສິດທິຜົນ ແລະ ແທດເໜາະກັບປະຊາທ້ອງຖິ່ນສຳລັບພາກໃຕ້ແມ່ນ: ກິດຈະກຳສົ່ງເສີມຄອບຄົວຕົວແບບດ້ານການລ້ຽງສັດ ແລະ ການຮັກສາສຸຂະພາບສັດ, ພ້ອມນັ້ນຍັງໄດ້ສ້າງ ບຸກຄະລາກອນດ້ານວິຊາການສັດລ້ຽງ ແລະ ສັດຕະວະແພດໃຫ້ແກ່ພະນັກງານຂັ້ນແຂວງ, ເມືອງ, ໃນບ້ານເປົ້າໝາຍຂອງໂຄງການຢູ່ແຂວງ: ສາລະວັນ, ເຊກອງ, ຈຳປາສັກ ແລະ ອັດຕະປື, ຊຶ່ງການຈັດຕັ້ງປະຕິບັດຂອງໂຄງການແມ່ນມີໝາກຜົນດີ, ເຮັດໃຫ້ປະຊາຊົນໃນເຂດເປົ້າໝາຍໄດ້ຮັບຜົນປະໂຫຍດຕົວຈິງ ແລະ ສາມາດຊ່ວຍໃຫ້ຊີວິດການເປັນຢູ່ຂອງເຂົາເຈົ້ານັບມື້ດີຂຶ້ນ, ດັ່ງນັ້ນການນຳກະຊວງກະສິກຳ ແລະ ປ່າໄມ້, ຈຶ່ງໄດ້ອອກຂໍ້ຕົກລົງຍ້ອງຍໍຊົມເຊີມຊ່ຽວຊານໂຄງການດັ່ງກ່າວ.
ແຫ່ລງຂ່າວ
