ອົງການສະຫະປະຊາຊາດປະຈຳລາວໃຫ້ຮູ້ວ່າ: ປັດຈຸບັນລາວຖືກຈັດຢູ່ໃນອັນດັບທີ 3 ຂອງປະເທດທີ່ສາມາດຫຼຸດຜ່ອນອັດຕາການຕາຍຂອງແມ່ໄດ້ດີໃນໂລກ, ຍ້ອນຄວາມເອົາໃຈໃສ່ຂອງລັດ ຖະບານ, ກໍຄືກະຊວງສາທາລະນະສຸກໄດ້ເຮັດໃຫ້ການບໍລິການດ້ານສຸຂະພາບຈະເລີນພັນກໍຄືການວາງແຜນຄອບຄົວເຂົ້າເຖິງປະຊາຊົນໄດ້ຫຼາຍຂຶ້ນ, ໂດຍສະເພາະແມ່ນປະຊາຊົນເຂດຫ່າງໄກສອກຫຼີກ,ຊຶ່ງຖ້າທຽບໃສ່ເມື່ອກ່ອນອັດຕາການຕາຍຂອງແມ່ສູງເຖິງ 450 ຄົນ/ 100.000 ຄົນ ໃນປີ 2005 ແລະ ສາເຫດການຕາຍສູງດັ່ງກ່າວແມ່ນເກີດຈາກອາການສົນໃນລະຫວ່າງການຖືພາ ແລະ ເກີດລູກ, ແຕ່ຮອດປັດຈຸບັນລາວສາມາດຫຼຸດຜ່ອນອັດຕາການຕາຍຂອງແມ່ລົງຢູ່ໃນລະດັບ 220 ຄົນ/ 100.000 ຄົນ ແລະ ເຖິງວ່າອັດຕາການຕາຍຂອງແມ່ໃນລາວຈະຍັງເປັນ
ອັດຕາທີ່ສູງ, ແຕ່ເມື່ອທຽບໃຫ້ບັນດາປະເທດຕ່າງໆໃນທົ່ວແລ້ວລາວຖືເປັນປະເທດຕົ້ນທີ່ສາມາດຫຼຸດຜ່ອນອັດຕາການຕາຍຂອງແມ່ໄດ້ດີທີ່ສຸດ, ພ້ອມນັ້ນໃນຫຼາຍປີຜ່ານມາລາວຍັງສາມາດຫຼຸດຜ່ອນອັດຕາການຕາຍຂອງເດັກອາຍຸຕ່ຳກວ່າ5 ປີໄດ້ຢ່າງວ່ອງໄວ, ຊຶ່ງຖືກຈັດໃຫ້ເປັນປະເທດທີ່ 29 ທີ່ໄວກວ່າໝູ່ໃນ 75 ປະເທດໃນທົ່ວໂລກ. ຊຶ່ງທັງໝົດນັ້ນກໍແມ່ນຍ້ອນການເອົາໃຈໃສ່ຂອງລັດຖະບານກໍຄືກະຊວງສາທາລະນະສຸກ, ພົ້ນເດັ່ນແມ່ນການສ້າງແພດພະດຸງຄັນໄດ້ຢ່າງພຽງພໍ ແລະ ສູນບໍລິການດ້ານສຸຂະພາບໄດ້ກວ້າງຂວາງທົ່ວເຖິງຫຼາຍຂື້ນ.
ແຫ່ລງຂ່າວ
