ມື້ນີ້ເປັນມື້ທຳອິດທີ່ຫົວເຫວີ່ຍ Mate 8 ມີຮູບຫຼຸດອອກມາຢ່າງເປັນທາງການ. ຫຼັງຈາກທີ່ຊ່ວງໄລຍະເວລາທີ່ຜ່ານມານັ້ນລ້ວນແລ້ວຕ່າງກໍມີຮູບຫຼຸດອອກມາແຕ່ກໍບໍ່ໄດ້ຮັບການຢືນຢັນຈາກທາງຫົວເຫວີ່ຍເລີຍ ລວມໄປເຖິງຮູບພາບທີ່ມີຄົນສ້າງຂຶ້ນມາເອງອີກນຳ, ເຮົາມາເບິ່ງນຳກັນເລີຍວ່າຮູບທີ່ຫຼຸດອອກມານັ້ນມີການປ່ຽນແປງແນວໃດແດ່
ຫົວເຫວີ່ຍ Mate 8 ນັ້ນມີໜ້າຈໍຂະໜາດ 6 ນິ້ວທີ່ຄວາມລະອຽດ 1920 x 1080 ພິິກເຊວ ແລະເປັນໂລຫະໝົດໂຕ , ຈາກຮູບທີ່ເຮົາເຫັນດ້ານເທິງນີ້ຈະສັງເກດເຫັນວ່າ Mate 8 ນັ້ນຈະມີໜ້າຈໍແບບໄຮ້ຂອບ ບວກກັບເຊັນເຊີ້ລາຍນິ້ວມືທີ່ດ້ານຫຼັງໂຕເຄື່ອງ ແລະມີການອອກແບບບໍລິເວນກ້ອງໃໝ່ຕ່າງຈາກລຸ້ນ Mate S
ສຳລັບລາຍລະອຽດສະເປັກໂດຍລວມຂອງ Mate 8 ທີ່ເຮົາຮູ້ກັນແລ້ວມີຄື:
– ໃຊ້ງານໜ່ວຍປະມວນຜົນໃໝ່ຫຼ້າສຸດຄື Kirin 950 SoC ທີ່ມາພ້ອມກັບຊິບກຣາບຟິກ Mali T880. Kirin 950 ນັ້ນມີຂະບວນການຜະລິດແບບ 16 ນາໂນແມັດ ພ້ອມກັບເທັກໂນໂລຢີແບບໃໝ່ທີ່ເອີ້ນວ່າ FinFET ເຊິ່ງຈະຊ່ວຍໃຫ້ການເຮັດວຽກມີປະສິດທິພາບຫຼາຍຂຶ້ນກວ່າເກົ່າເຖິງ 40% ແລະປະຫຍັັດພະລັງງານໄດ້ຫຼາຍກວ່າເກົ່າເຖິງ 60%
– ໂຕເຄື່ອງເປັນອາລູມີນ້ຽມໝົດໂຕ
– ສາມາດເພີ່ມ MicroSD Card ໄດ້ສູງສຸດ 128 GB
– ແບັດເຕີຣີຍັງບໍ່ມີຂໍ້ມູນຫຼຸດອອກມາແຕ່ຄາດວ່າໜ້າຈະໃຫ້ມາ 4,100 mAh
– ລະບົບປະຕິບັດການ Android 6.0 Marshmallow ຄອບດ້ວຍ EMUI 4.0
+ ມີ 2 ລຸ້ນທີ່ຈະວາງຈຳໜ່າຍຄື:
– ລຸ້ນທຳມະດາທີ່ມາພ້ອມກັບ Rom 32 GB ແລະ Ram 3 GB
– ລຸ້ນພຣີມ້ຽມທີ່ມາພ້ອມກັບ Rom 64 GB ແລະ Ram 4 GB
ສຳລັບມື້ເປີດໂຕຢ່າງເປັນທາງການຂອງ Mate 8 ນີ້ແມ່ນວັນທີ 26.11.15 ຫຼືມື້ອື່ນນີ້ເອງ ຈັງໃດກະຖ້າສະຫຼຸບຂໍ້ມູນທັງໝົດໄວ້ມື້ອື້ນເລີຍເນາະ ^^
ທີ່ມາ: Huaweiblog