ເພື່ອໃຫ້ໝັ້ນໃຈວ່າແຟນບານຈະສາມາດຮັບຊົມເກມການແຂ່ງຂັນບານເຕະລາລີກາ ແອດສະປາຍ 2015-2016 ລະຫວ່າງ ເຣອັລ ມາດຣິດ ພົບກັບ ບາເຊໂລນາ ເຊີ່ງຈະລົງແຂ່ງຂັນໃນທ້າຍອາທິດນີ້ທີ່ສະໜາມ ຊານຕິອາໂກ ເບີນາບິວ
ຄວາມເຄື່ອນໄຫວກ່ອນເກມການແຂ່ງຂັນລາລີກາ ແອດສະປາຍ ລະດູການ 2015-2016 ທີ່ຈະມີຂື້ນໃນທ້າຍອາທິດນີ້ ຟຣານຊິສໂກ ມາຕິເນສ ເລຂານຸການໜ່ວຍຮັກສາຄວາມປອດໄພຂອງແອດສະປາຍ ໄດ້ຍົກລະດັບການເຝົ້າລະວັງໃນເກມການແຂ່ງຂັນນັດນີ້ “ມີຄວາມສ່ຽງສູງ” ແຕ່ເຊື່ອວ່າຄວບຄຸມໄດ້ໂດຍແຟນບານຈະໄດ້ຮັບຄວາມປອດໄພສູງສຸດ
ທັງນີ້ໄດ້ມີການເພີ່ມມາດຕະການຮັກສາຄວາມປອດໄພເປັນພິເສດ ເພື່ອປ້ອງກັນບໍ່ໃຫ້ເຫດຮ້າຍແຮງເກີດຂື້ນ ຂະນະທີ່ ຟຣານຊິສໂກ ຍັງຈະມີແຜນເພີ່ມກຳລັງເຈົ້າໜ້າທີ່ຕຳຫຼວດ 2 ເທົ່າ ໂດຍຈະມີຕຳຫຼວດຢ່າງໜ້ອຍ 1,000 ຄົນ ໃນການເບີ່ງແຍງຄວາມເປັນລະບຽບຮຽບຮ້ອຍ ແລະ ເຈົ້າໜ້າທີ່ຮັກສາຄວາມປອດໄພຂອງສະໜາມອີກ 1,400 ຄົນ
