Homeຂ່າວການພັດທະນາສຳເລັດກໍ່ສ້າງໂຄງການ ສະຖານທີ່ດ່ານກັກກັນສັດດົງໂພສີ

ສຳເລັດກໍ່ສ້າງໂຄງການ ສະຖານທີ່ດ່ານກັກກັນສັດດົງໂພສີ

Published on

7ff71256897bb2089ab6512b1a97ed9b

ພິທີ​ມອບ-ຮັບ​ໂຄງການ​ກໍ່ສ້າງດ່ານ​ກັກ​ກັນ​ສັດ​ດົງ​ໂພ​ສີ ​ໄດ້​ມີ​ຂຶ້ນວັນ​ທີ 16 ພະຈິກ 2015 ລະຫວ່າງຂະແໜງ​ລ້ຽງສັດ ແລະ ການ​ປະມົງ ພະ​ແນກ​ກະສິກຳ ແລະ ປ່າໄມ້ ນະຄອນຫຼວງ​ວຽງຈັນ (ເຈົ້າ​ຂອງ​ໂຄງການ) ກັບ​ບໍ​ລິສັດ ສຸກ​ມີ​ໄຊ​ຈະເລີນ​ກໍ່ສ້າງ​ເຄຫາ ຈຳກັດຜູ້​ດຽວ (ຜູ້​ຮັບ​ເໝົາ) ພາຍຫຼັງ​ກໍ່ສ້າງ​ສຳເລັດ ກ່າວມອບ​ໂດຍ​ທ່ານ ວຽງ​ໄຊ ດວງ​ພະຈັນ ຜູ້ອຳນວຍການ​ບໍລິສັດ ສຸກມີ​ໄຊ​ຈະເລີນ​ກໍ່ສ້າງ​ເຄຫາ ຈຳກັດ​ຜູ້​ດຽວ ແລະ ກ່າວ​ຮັບ​ໂດຍທ່ານ​ນາງ ພັດ​ສະ​ລີ ພິດສະໄໝ ຫົວໜ້າ​ຂະແໜງ​ລ້ຽງສັດ ແລະ ການ​ປະມົງ ມີ​ທ່ານ ​ດຣ. ບຸນຂວາງ ຄຳ​ບຸນ​ເຮືອງ ລັດ​ຖະ​ມົນຊ່ວຍ​ວ່າການ ກະຊວງ​ກະສິກຳ ແລະ ປ່າໄມ້ ທ່ານ ​ຮສ.​ດຣ. ລິນ​ຄຳ ດວງ​ສະຫວັນ ຫົວໜ້າ​ພະແນກ​ກະສິກຳ ແລະ ປ່າໄມ້ ນະຄອນ​ຫຼວງ​ວຽງ​ຈັນ ພ້ອມ​ດ້ວຍແຂກ​ຖືກ​ເຊີນ​ເຂົ້າ​ຮ່ວມ.

ໂຄງການ​ກໍ່ສ້າງ​ດ່ານ​ກັກກັນ​ສັດ​ດົງ​ໂພ​ສີ ແມ່ນ​ນອນ​ຢູ່​ໃນແຜນ​ງານ​ຄ້ຳປະກັນ​ສະບຽງ​ອາຫານ ແລະ ຜະລິດ​ເປັນ​ສິນຄ້າ ເພື່ອ​ເປັນ​ການ​ຮອງ​ຮັບ​ໂຄງ​ລ່າງພື້ນຖານ ທັງ​ແມ່ນ​ໂຄງການ​ໜຶ່ງໃນ​ການ​ປ້ອງ​ກັນ​ຄວາມ​ສ່ຽງ ແລະ ຄວບ​ຄຸມພະ​ຍາດ​ສັດ ເພາະໃນ​ອະນາຄົດ​ຈະ​ມີ​ການ​ນຳ​ເຂົ້າ-ສົ່ງ​ອອກ-ຂົນສົ່ງ​ຜ່ານ​ສັດ ຜະລິດ​ຕະ​ພັນ​ສັດປ່າ ແລະ ຜະລິດຕະ​ພັນ​ສິນຄ້າ​ກ່ຽວ​ກັບ​ສັດ ​ເພື່ອ​ຮັບໃຊ້​ການ​ຜະລິດ​ຢູ່​ນະຄອນຫຼວງວຽງ​ຈັນ​ໄປ​ຕ່າງ​ແຂວງ ແລະ ສົ່ງໄປ​ປະເທດ​ທີ 3 ເຊິ່ງ​ວຽກ​ງານ​ດັ່ງກ່າວ​ແມ່ນ​ມີ​ຄວາມ​ຈຳເປັນ​ຢ່າງຍິ່ງ​ ໃນ​ການ​ຍົກ​ລະດັບ​ດ້ານ​ເຕັກນິກ​ວິຊາ​ການ​ ໃຫ້​ມີ​ການ​ພັດ​ທະນາ​ດີ​ຂຶ້ນ​ເລື້ອຍໆ​ໃນ​ການ​ກວດກາຂອງ​ເຈົ້າ​ໜ້າທີ່​ສັດຕະວະແພດ ທັງ​ເປັນ​ການ​ປະຕິບັດ​ຕາມ​ກົດໝາຍວ່າ​ດ້ວຍ​ການ​ລ້ຽງສັດ ແລະ ການ​ສັດຕະວະແພດ ອົງການ​ພະຍຸ​ສັດສາ​ກົນ​ສົນທິສັນຍາ​ວ່າ​ດ້ວຍສຸຂາ​ນາ​ໄມ ແລະ ສຸຂາ​ນາ​ໄມ​ພືດ ເຫັນ​ວ່າ​ຍັງ​ບໍ່​ຖືກຕ້ອງ​ຕາມ​ລະບຽບ ເນື່ອງ​ຈາກ​ຜ່ານ​ມາ​ຍັງ​ບໍ່ທັນ​ມີ​ສະຖານທີ່​ກັກ​ກັນ​ກວດກາ ຕິດຕາມ​ສຸຂະພາບ​ສັດ​ໃນ​ການນຳ​ເຂົ້າ-ສົ່ງ​ອອກ-ຂົນສົ່ງ​ຜ່ານ.

ໂຄງການ​ກໍ່ສ້າງ​ສະຖານທີ່ດ່ານ​ກັກ​ກັນ​ສັດ​ດົງ​ໂພ​ສີ​ ໄດ້​ສຳຫຼວດ ແລະ ອອກ​ແບບ​ແຕ່​ປີ 2002 ມີ​ເນື້ອທີ່ 2 ເຮັກຕາ ເລີ່ມກໍ່ສ້າງ​ປີ 2011 ແລະ ສຳເລັດ​ປີ 2015 ໂດຍ​ມີ​ການ​ບຸກເບີກ​ເນື້ອທີ່ກໍ່ສ້າງ​ຫ້ອງການ 1 ຫຼັງ ເຮືອນພັກ​ພະນັກງານ 1 ຫຼັງ ຄອກ​ສັດ 5 ຄອກ ເຮືອນ​ອາຫານ​ສັດ 1 ຫຼັງ ເຮືອນ​ສີດ​ຜົ່ນ​ຢາ 1 ຫຼັງ ນອກ​ນີ້ ຍັງ​ມີ​ເສັ້ນທາງຮົ້ວ​ອ້ອມຫ້ອງ​ນ້ຳ ແລະ ປ້ອມ​ຍາມ​ຕື່ມ​ອີກ ລວມ​ມູນຄ່າ​ການ​ກໍ່ສ້າງ 5,83 ຕື້​ກວ່າ​ກີບ ໃນ​ໂອກາດ​ມອບ-ຮັບ​ໂຄງການດັ່ງກ່າວ ບໍລິສັດ ສຸກ​ມີ​ໄຊ​ຈະເລີນກໍ່ສ້າງ​ເຄຫາ ຈຳກັດ​ຜູ້​ດຽວ ຍັງມອບ​ຄອມ​ພີວ​ເຕີ​ຕັ້ງ​ໂຕະ ຈຳນວນ 2 ຊຸດ ມູນ​ຄ່າ 10 ລ້ານ​ກີບ ເພື່ອ​ນຳ​ໃຊ້​ເຂົ້າ​ໃນ​ການ​ປະຕິບັດໜ້າທີ່​ວຽກ​ງານ​ວິຊາ​ສະເພາະ​ ປະຈຳ​ດ່ານ​ກັກ​ກັນ​ສັດ​ດົງ​ໂພ​ສີ ຕື່ມອີກ.

ແຫ່ລງຂ່າວ

ວຈໝ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...