ກ່ອນໜ້ານີ້ກໍມີໂຊລູມລົດທີ່ໃຊ້ລະບົບ AR ໃນການເບິ່ງຜ່ານມືຖືອອກມາໃຫ້ໄດ້ຊົມກັນຫລວງຫລາຍ ແຕ່ວ່າລະບົບ AR ຄືຫຍັງ? ລະບົບ AR ນັ້ນກໍຄື Augmented Reality ເທກໂນໂລຍີລະບົບສະເຫມືອນຈິງທີ່ນຳເອົາພາບຂອງໂລກແທ້ມາລວມເຂົ້າກັບພາບຂອງໂລກສະເຫມືອນທີ່ເຮັດໃຫ້ເຮົາເບິ່ງເຫັນຄືກັບວ່າມັນມີຢູ່ຈິງນັ້ນເອງ ເປັນເທກໂນໂລຍີທີ່ສາມາດຕໍ່ຍອດໄດ້ຫລາກຫລາຍ ຢ່າງທີ່ເຮົາເຫັນກັນຫລວງຫລາຍ ຢ່າງ Google CardBoard
ແລະໃນຕອນນີ້ ບໍລິສັດ Hyundai ໄດ້ສ້າງຄູ່ມືການໃຊ້ງານລົດໃນຮູບແບບໃໝ່ ສະແດງຜົນແບບ AR ຊ່ວຍໃຫ້ເຈົ້າເຂົ້າໃຈການໃຊ້ງານສ່ວນຕ່າງໆ ໃນລົດຫລາຍຍິ່ງຂຶ້ນແລະບໍ່ໜ້າເບື່ອຄືກັບຫນັງສືຄູ່ມືລົດເຫລັ້ມໜາໆ ອີກຕໍ່ໄປ ພຽງແຕ່ເຈົ້າເປີດໃຊ້ງານແອັບພິເຄຊັ່ນຂຶ້ນມາຜ່ານມືຖືຫລືແທັບເລັດເທົ່ານັ້ນ
ພາຍໃນແອັບ ກໍຈະມີຟັງຊັ່ນຕ່າງໆ ທີ່ໃຊ້ໃນການອະທິບາຍການໃຊ້ງານຂອງລົດ ບໍ່ວ່າຈະເປັນພາຍນອກຕົວລົດ ຫ້ອງເຄື່ອງ ພາຍໃນລົດ ແລະພິເສດກວ່ານັ້ນກໍຄື ມີວີດີໂອສາທິດການໃຊ້ງານເບິ່ງສົດໆ ໄດ້ພ້ອມກັບອະທິບາຍຢ່າງລະອຽດ ເຮັດອອກມາໄດ້ໜ້າສົນໃຈຫລາຍ ເປັນເທື່ອທຳອິດທີ່ໄດ້ເຫັນຄູ່ມືການໃຊ້ງານລົດດິຈິຕອນ ຢ່າງເຕັມຮູບແບບ ຖືວ່າໃຊ້ເທກໂນໂລຍີໄດ້ຄຸ້ມຄ່າຫລາຍໆ ຫາກໃຜສົນໃຈກໍສາມາດດາວໂຫລດໃຊ້ງານກັນໄດ້ແລ້ວມື້ນີ້ ໃນລະບົບ iOS ແລະ Android ສ່ວນຮູບພາບຕົວຢ່າງການໃຊ້ງານແອັບພິເຄຊັ່ນໃນລະບົບ AR ກໍສາມາດເບິ່ງໄດ້ດ້ານລຸມນີ້ເລີຍ
