ສຳນັກຂ່າວຕ່າງປະເທດ ລາຍງານໃນວັນທີ 6 ພະຈິກນີ້ວ່າ ເນື່ອງໃນໂອກາດການຢ້ຽມຢາມຫວຽດນາມຂອງ ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ແຕ່ວັນທີ 5-6 ພະຈິກ 2015 ນີ້ ທັງສອງຝ່າຍຫວຽດນາມ ແລະ ຈີນ ໄດ້ອອກຖະແຫລງການຮ່ວມ ກ່ຽວກັບການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ຈີນ. ພ້ອມກັນນັ້ນ, ຜູ້ນຳທັງສອງປະເທດ ຍັງມີການເຈລະຈາ, ພົບປະແລກປ່ຽນຄຳເຫັນໃນດ້ານຕ່າງໆ ໃນຂອບເຂດການຢ້ຽມຢາມ, ໂດຍບັນດາການນຳຫວຽດນາມ ແລະ ຈີນ ເຫັນດີນຳກັນໂດຍຖືວ່າ ຫວຽດນາມ ແລະ ຈີນ ຄວນກຳແຫນ້ນທິດທາງອັນຖືກຕ້ອງ ຂອງນ້ຳໃຈມິດຕະພາບຫວຽດນາມ ແລະ ຈີນ, ເພີ່ມທະວີການແລກປ່ຽນຍຸດທະສາດ, ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ຊຸກຍູ້ການຮ່ວມມືບັນດາຂົງເຂດ ບົນພື້ນຖານເຄົາລົບເຊິ່ງກັນ ແລະ ກັນ, ສະເຫມີພາບ, ຕ່າງຝ່າຍຕ່າງມີຜົນປະໂຫຍດ, ຄວມຄຸມ ແລະ ແກ້ໄຂຄວາມບໍ່ລົງລອຍກັນຢ່າງສົມເຫດສົມຜົນ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ – ຈີນ ໃຫ້ພັດທະນາຢ່າງປອດໃສ ແລະ ສະຖຽນລະພາບ.