ສຳນັກຂ່າວຕ່າງປະເທດ ລາຍງານໃນວັນທີ 6 ພະຈິກນີ້ວ່າ ຝຣັ່ງດຳເນີນການສົ່ງເຮືອກຳປັ່ນບັນທຸກເຮືອບິນ ພະລັງງານນິວເຄລຍ ຊາກເດີໂກນ ຊຶ່ງເປັນເຮືອກຳປັ່ນທີ່ມີຂະໜາດໃຫຍ່ທີ່ສຸດຂອງປະເທດ ອອກໄປສະໜັບສະໜູນປະຕິບັດການໂຈມຕີທາງອາກາດ ໃນປະເທດອີຣັກ ແລະ ຊີຣີ ເພື່ອຕໍ່ສູ້ກັບກຸ່ມລັດອິດສະລາມ ຫລື ໄອເອັສ ຊຶ່ງເປັນເທື່ອທີສອງໃນປີນີ້ ທີ່ກອງທັບຝຣັ່ງນຳສົ່ງເຮືອກຳປັ່ນບັນທຸກເຮືອບິນລຳດັ່ງກ່າວ ອອກປະຕິບັດການໂຈມຕີ ຕໍ່ກຸ່ມໄອເອັສ ຊຶ່ງຄັ້ງທຳອິດ ແມ່ນຖືກສົ່ງໄປປະຈຳການໃນເດືອນກຸມພາ ກ່ອນຈະເດີນທາງກັບຄືນໃນອີກ 2 ເດືອນຕໍ່ມາ.