spot_img
Homeຂ່າວພາຍ​ໃນສະຫາຍເລຂາທິການໃຫຍ່ ຕ້ອນຮັບຄະນະຜູ້ແທນຫວຽດນາມ

ສະຫາຍເລຂາທິການໃຫຍ່ ຕ້ອນຮັບຄະນະຜູ້ແທນຫວຽດນາມ

Published on

ສະຫາຍເລຂາທິການໃຫຍ່ ຕ້ອນຮັບຄະນະຜູ້ແທນຫວຽດນາມ

ວັນ​ທີ 30 ພະຈິກ 2013 ຜ່ານ​ມາ​ນີ້ ທີ່​ຫ້ອງ​ຮັບແຂກ​ຫ້ອງ​ວ່າການ​ສູນ​ກາງ​ພັກ ສະຫາຍ ຈູມ​ມາລີ ໄຊ​ຍະ​ສອນ ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ​ປະຕິວັດ​ລາວ ປະທານ​ປະເທດ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ຂອງ ຄະນະ​ຜູ້​ແທນ​ຂັ້ນ​ສູງ​ແນວ​ໂຮມ​ປະເທດ​ຊາດ​ຫວຽດນາມ ນຳ​ໂດຍ​ສະຫາຍ ຫງວ​​ຽນ ທັຽນ ເຢີນ ກຳມະການ​ກົມ​ການເມືອງ​ສູນ​ກາງ​ພັກ ປະທານ​ສູນ​ກາງ​ແນວ​ໂຮມ​ປະເທດ​ຊາດ​ຫວຽດນາມ ໃນ​ໂອກາດ​ທີ່​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ​ສປປ ລາວ ແຕ່​ວັນ​ທີ 30 ພະຈິກ-1 ທັນວາ 2013 ນີ້.

ໂອກາດ​ດັ່ງກ່າວ ສະຫາຍ​ເລຂາທິການ​ໃຫຍ່ ໄດ້​ສະແດງ​ຄວາມ​ຕ້ອນຮັບ​ຢ່າງ​ອົບ​ອຸ່ນ ພ້ອມ​ທັງ​ຕີ​ລາຄາ​ສູງ​ຕໍ່​ການ​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ກັບ​ສູນ​ກາງ​ແນວ​ລາວ​ສ້າງ​ຊາດ​ແຫ່ງ ​ສປປ ລາວ ຄັ້ງ​ນີ້​ຂອງ​ຄະນະ​ຜູ້​ແທນ​ຂັ້ນ​ສູງ​ແນວ​ໂຮມ​ປະເທດ​ຊາດ​ຫວຽດນາມ ອັນ​ຈະ​ເປັນ​ການ​ສືບຕໍ່​ເພີ່ມ​ທະວີ​ຮັດ​ແໜ້ນ​ຄວາມ​ສາມັກຄີ​ແບບ​ພິເສດ ແລະ ການ​ຮ່ວມ​ມື​ຮອບດ້ານ​ລະຫວ່າງ​ສອງ​ພັກ-ສອງ​ລັດ ແລະ ປະຊາຊົນ​ສອງ​ຊາດ​ລາວ ແລະ ຫວຽດນາມ ເວົ້າ​ລວມ ເວົ້າ​ສະເພາະ ລະຫວ່າງ​ສູນ​ກາງ​ແນວ​ລາວ​ສ້າງ​ຊາດ ແລະ ແນວ​ໂຮມ​ປະເທດ​ຊາດ​ຫວຽດນາມ​ທີ່​ມີ​ມາ​ແລ້ວ​ນັ້ນ ໃຫ້​ນັບ​ມື້​ແຕກ​ດອກ​ອອກ​ຜົນ​ຍິ່ງໆ​ຂຶ້ນ ພ້ອມ​ນີ້ ສະຫາຍ​ເລຂາທິການ​ໃຫຍ່ ຍັງ​ສະແດງ​ຄວາມ​ຂອບ​ອົກ​ຂອບໃຈ​ມາ​ຍັງ​ພັກ ແລະ ລັດຖະບານ​ຫວຽດນາມ ຕາງໜ້າ​ໂດຍ​ແນວ​ໂຮມ​ປະເທດ​ຊາດ​ຫວຽດນາມ ໄດ້​ມາ​ປະດັບ​ຫຼຽນ​ໄຊ​ຫຼຽນ​ກາ​ໃຫ້​ແກ່​ຜູ້​ທີ່​ມີ​ຜົນງານ​ແກ່ ​ສປປ ລາວ ໃນ​ຄັ້ງ​ນີ້ ຊຶ່ງ​ມັນ​ສະແດງ​ໃຫ້​ເຫັນ​ເຖິງ​ຍາມ​ໃດ​ການ​ຮ່ວມ​ມື​ຂອງ​ສອງ​ປະເທດ​ອ້າຍ​ນ້ອງ​ລາວ ແລະ ຫວຽດນາມ ກໍ​ນັບ​ມື້​ແໜ້ນ​ແຟ້ນ ແລະ ມີ​ຜົນສຳເລັດ​ເປັນ​ກ້າວໆ.

ສະຫາຍ​ປະທານ​ສູນ​ກາງ​ແນວ​ໂຮມ​ປະເທດ​ຊາດ​ຫວຽດນາມ ກໍ​ໄດ້​ສະແດງ​ຄວາມ​ຂອບ​ອົກ​ຂອບໃຈ​ຢ່າງ​ຈິງ​ໃຈ ມາ​ຍັງ​ສະຫາຍ​ເລຂາທິການ​ໃຫຍ່ ທີ່​ໄດ້​ໃຫ້​ກຽດ​ຕ້ອນຮັບ​ຢ່າງ​ອົບ​ອຸ່ນ​ໃນ​ຄັ້ງ​ນີ້ ອັນ​ເປັນ​ການ​ກະຕຸກ​ຊຸກຍູ້​ເຮັດ​ໃຫ້​ສອງ​ອົງການ​ແນວ​ໂຮມ ໄດ້​ສືບຕໍ່​ເພີ່ມ​ທະວີ​ຮັດ​ແໜ້ນ​ການ​ຮ່ວມ​ມື​ໃຫ້​ນັບ​ມື້​ຫຼາຍ​ຂຶ້ນ​ກວ່າ​ເກົ່າ ແລະ ປະທານ​ສູນ​ກາງ​ແນວ​ໂຮມ​ປະເທດ​ຊາດ​ຫວຽດນາມ ຍັງ​ຖື​ໂອກາດ​ນີ້ ຕາງໜ້າ​ໃຫ້​ພັກ-ລັດ ແລະ ປະຊາຊົນ​ຫວຽດນາມ ສະແດງ​ຄວາມ​ຊົມເຊີຍ​ຕໍ່​ຜົນສຳເລັດ​ໃນ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ຂອງ​ຜູ້ນຳ​ພັກ-ລັດ ແລະ ປະຊາຊົນ​ລາວ​ບັນດາເຜົ່າ​ທີ່​ຍາດ​ມາ​ໄດ້​ຕະຫຼອດ​ໄລຍະ 38 ປີ ເນື່ອງ​ໃນ​ໂອກາດ​ວັນຊາດ ​ສປປ ລາວ ວັນ​ທີ 2 ທັນວາ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...