ຖ້າ​ເວົ້າ​ເຖິງ​ອຸປະກອນ​ໄອ​ທີ​ປະ​ເພດ​ສວມ​ໃສ່​ຫລື wearable ນັ້ນ ເລື່ອງ​ແບັດ​ເຕີ​ຣີ່​ຖື​ເປັນ​ບັນຫາ​ສຳຄັນ​ປະ​ການ​ໜຶ່ງ​ທີ່​ເປັນ​ຈຸດ​ອ່ອນ​ຂອງ​ສິນ​ຄ້າ​ກຸ່ມນີ້ ເມື່ອ​ມີ​ຂໍ້​ຈຳ​ກັດ​ໃນ​ເລື່ອງ​ຂອງ​ການ​ອອກ​ແບບ​ແລະ​ຂະໜາດ​ທີ່​ນ້ອຍ​ເຮັດໃຫ້​ມີ​ພື້ນ​ທີ່​ຂອງ​ແບັດເຕີຣີບັນ​ຈຸ​ໄດ້​ບໍ່​ບໍ່ຫລາຍ ຊຶ່ງ​ກໍ​ມີ​ແບຣນຫລາຍ​ເຈົ້າ​ທີ່​ພະຍາຍາມ​ຄິດ​ຄົ້ນ​ນະ​ວັດ​ຕະກຳ​ເພື່ອ​ສ້າງ​ທາງ​ເລືອກ​ໃໝ່​ຢູ່ ຫລ້າ​ສຸດ Samsung ໄດ້​ເປີດ​ຕົວ​ແບດ​ເຕີ​ຣີ່​ໃນ​ຮູບ​ແບບ​ຂອງ​ສາຍ​ຮັດ​ຂໍ້​ມື​ອອກ​ມາ​ໃຫ້​ໄດ້​ຮື​ຮາ​ແລ້ວ

ທັງ​ນີ້ Samsung ໄດ້​ທຳການ​ເປີດ​ຕົວ​ແບດ​ເຕີ​ຣີ່​ສາຍ​ຮັດ​ຂໍ້​ມື​ໃນ​ງານ InterBattery 2015 ຊຶ່ງ​ຈັດ​ຂຶ້ນ​ໃນ​ກຸງ​ໂຊນ ເມື່ອ​ອາທິດ​ທີ່​ແລ້ວ ແລະ​ຄາດ​ກັນ​ວ່າ​ຈະ​ຖືກ​ນຳ​ມາ​ໃຊ້​ກັບ​ອຸປະກອນ wearable ໃນ​ອະນາຄົດ​ອັນ​ໃກ້ ໂດຍ​ຫລາຍ​ຝ່າຍ​ເບີ່ງ​ວ່າ​ແບດ​ເຕີ​ຣີ່​ໃນ​ອຸປະກອນ wearable ໃນ​ອະນາຄົດ​ຈະ​ຖືກ​ດີ​ໄຊນ໌​ໃຫ້​ມີ​ຄວາມ​ຍືດ​ທັນສະໄຫມ​ຫລາຍ​ຂຶ້ນ​ແລະ​ສາມາດ​ແຕກ​ໄອ​ເດຍ​ໄປ​ໃຊ້​ງານ​ຮ່ວມກັບ​ອຸປະກອນ smart band, ເສື້ອ​ເຊີດ, ສາຍ​ຄໍ ໄດ້​ອີກດ້ວຍ ໂດຍ​ສາຍ​ແບດ​ເຕີ​ຣີ່​ດັ່ງ​ກ່າວ​ມີ​ຄວາມ​ໜາ​ພຽງ 0.3 ມິນ​ລິ​ແມັດ ແລະ ​ສາມາດ​ສາກ​ແບດ​ເຕີ​ຣີ່ເທິງ smartwatchໄດ້​ເກີນ​ກວ່າ 50% ຫລັງ​ຈາກ​ທຳການ​ທົດສອບ​ການ​ບິດ​ງໍ​ໃນ​ຮູບ​ແບບ​ຕ່າງໆ ມາ​ແລ້ວ ຊຶ່ງ​ຖື​ເປັນ​ນະ​ວັດ​ກຳ​ທີ່​ໜ້າ​ສົນ​ໃຈ​ຫລາຍ​ສຳລັບ​ອຸປະກອນ wearable ໃນ​ອະນາຄົດ