ຫລາຍເທື່ອທີ່ເຮົາຈະມັກໃສ່ເສື້ອໂຕໜຶ່ງ ໂສ້ງຂາສັ້ນໂຕໜຶ່ງ ແລ້ວນອນຫລັບໄປ ແຕ່ການທີ່ມີຢາງຈາກຂອບໂສ້ງຮັດ ຈະເຮັດໃຫ້ເລືອດໄຫລວຽນບໍ່ສະດວກ ແລະສາວໆ ທີ່ມັກໃສ່ເສື້ອຊ້ອນໃນນອນ ອັນນີ້ຂໍແນະນຳວ່າ ຖ້າຖອດໃນຊ່ວງເວລານອນໄດ້ຈະຊ່ວຍໃຫ້ສ່ວນຕ່າງໆ ຂອງຮ່າງກາຍເຮັດວຽກໄດ້ສະດວກຍິ່ງຂຶ້ນ
ຊ່ວຍໃຫ້ຜິວໄດ້ຜ່ອນຄາຍ
ຈາກການຮັດດ້ວຍເສື້ອຜ້າໃນເວລາກາງເວັນນັ້ນວ່າດົນແລ້ວ ສາວໆ ບາງຄົນເມືອດຖອດເສື້ອຜ້າມາອາດຈະມີຮອຍຮັດຕາມແອວ ຫລືຖ້າໃສ່ໂສ້ງຮັດຫລາຍໆ ກໍ່ຈະເກີດຮອຍໄດ້ ດັ່ງນັ້ນແລ້ວເພື່ອໃຫ້ຜິວໜັງໄດ້ຜ່ອນຄາຍ ຜິວພັນດີໆ ຕອນນອນກໍ່ຄວນເລືອກຊຸດໂລ່ງໆ ຈະໃສ່ພຽງແຕ່ເສື້ອຄໍກົມໂຕໃຫຍ່ໆຈັກໂຕກໍ່ພໍແລ້ວ
ຊ່ວຍໃຫ້ຮໍໂມນຄວາມຄຽດຫລຸດລົງ
ຕອນທີ່ສາວໆ ໃສ່ເສື້ອຜ້າຮັດໆ ຮູ້ສຶກບໍ່ວ່າ ອຶດອັດແທ້ ແຕ່ເມື່ອຖອດ ຈະຮູ້ສຶກຜ່ອນຄາຍ ໂລ່ງສະບາຍແມ່ນບໍ່ ດັ່ງນັ້ນແລ້ວເມື່ອຮ່າງກາຍຂອງເຮົາບໍ່ມີສິ່ງໃດມາຮັດໄວ້ ກໍ່ຈະຊ່ວຍທຸກສ່ວນໃນຮ່າງກາຍຮູ້ສຶກສະບາຍຕົວ ຜ່ອນຄາຍສຸດໆ
ປັບອຸນຫະພູມຮ່າງກາຍ
ເມືອບໍ່ມີສິ່ງໃດມາຮັດ ມາບີບຮ່າງກາຍ ໃຫ້ມີພຽງແຕ່ຜ້າຫົ່ມຈັກຜືນໄວ້ຫົ່ມ ກໍ່ຈະຊ່ວຍໃຫ້ເລືອດໄຫລວຽນດີຂຶ້ນ ເຮັດໃຫ້ອຸນຫະພູມໃນຮ່າງກາຍປັບສະພາບໄດ້
ຮູ້ແບບນີ້ແລ້ວ ສາວໆ ຄົນໃດ ຈະຫາເວລາຈັກມື້ສອງມື້ ບໍ່ໃສ່ເສື້ອຜ້ານອນ ເພື່ອໃຫ້ຮ່າງກາຍໄດ້ຜ່ອນຄາຍ ເລືອດລົມໄຫລວຽນສະດວກກໍ່ໄດ້ ແຕ່ຖ້າສາວໆ ຄົນໃດບໍ່ສະດວກແທ້ໆ ຂໍແນະນຳວ່າ ໃສ່ເປັນຊຸດກະໂປງສະບາຍ ບໍ່ໃຫ້ຢາງຫລືຂອບໂສ້ງຮັດຮ່າງກາຍກໍ່ໄດ້
