ຍູເອັນໄດ້ຮັບການແຈ້ງເຕືອນຈາກຜູ້ທີ່ເຊື່ອໃນເລື່ອງສິ່ງລີ້ລັບນອກ ໂລກ ຫລັງພົບພາບຖ່າຍຂອງອົງການນາຊ່າ ເປັນພາບລູກໝີຂົ້ວໂລກທີ່ມີລັກສະນະສົມບູນ
ສຳນັກຂ່າວຕ່າງປະເທດລາຍງານວ່າ ອົງການສະຫະປະຊາຊາດຫລືຍູເອັນ ໄດ້ຮັບການແຈ້ງເຕືອນ ຫລັງອົງການບໍລິຫານການບິນແລະອາວະກາດແຫ່ງຊາດຫລືນາຊ່າຖ່າຍພາບລູກໝີຂົ້ວໂລກເທິງດາວອັງຄານໄດ້ ຊຶ່ງລູກໝີມີລັກສະນະສົມບູນຄືກັບໝີປົກກະຕິ
ໂດຍຜູ້ແຈ້ງເຕືອນຄື ສະກັອດ ຊີແວລິງ ຜູ້ທີ່ເຊື່ອຖືໃນເລື່ອງສິ່ງລີ້ລັບນອກໂລກ ຊຶ່ງເຄີຍອ້າງວ່າພົບພາບແປກໆ ເທິງດາວອັງຄານມາແລ້ວ ທັງພາບປູ ພາບຜູ້ຍິງລຶກລັບ ລວມທັງພາບຮູບປັ້ນພະພຸດທະຮູບ ໄດ້ກ່າວຢ່າງໝັ່ນໃຈວ່າ ການທີ່ນາຊ່າມັກຖ່າຍພາບເປັນສີດຳແລະສີຂາວ ກໍເພື່ອພະຍາຍາມເຊື່ອງສິ່ງມີຊີວິດຫລືພືດທີ່ມີສີສັນສະດຸດຕາເອົາໄວ້ ແຕ່ພວກເຂົາເຫັນເງົາຂອງເສັ້ນຜົມແລະຂົນອ້ອມຮອບສິ່ງທີ່ພົບ ໝາຍຄວາມວ່າສິ່ງນັ້ນບໍ່ແມ່ນຮູບປັ້ນແຕ່ເປັນສິ່ງມີຊີວິດຢ່າງແນ່ນອນ
ທ້າວສະກັອດຈຶ່ງໄດ້ສົ່ງຂໍ້ມູນເຫລົ່ານີ້ໄປໃຫ້ເລຂາທິການສະຫະປະຊາຊາດ ເພື່ອບອກເລົ່າເຖິງສິ່ງທີ່ໜ້າຕື່ນຕາຕື່ນໃຈເຫລົ່ານີ້ ແລະຍັງຕ້ອງການທີ່ຈະເຜີຍແຜ່ພາບເຫລົ່ານີ້ເພື່ອໃຫ້ຊາວໂລກໄດ້ຮ່ວມກັນພິຈາລະນາ ເພື່ອທີ່ທຸກຄົນຈະໄດ້ເປີດຕາແລະເປີດໃຈຮັບຮູ້ຄວາມຈິງ