ມື້ນີ້ເຮົາກໍມີສາລະດີໆກ່ຽວກັບຢາງລົດທີ່ຫລາຍໆ ທ່ານເບີ່ງຂ້າມໄປ ແທ້ໆ ແລ້ວບັນຫາທີ່ຮ້າຍແຮງທີ່ສຸດຂະນະຂັບລົດກໍຄື ບັນຫາຢາງລະເບີດ ຊຶ່ງອາດເກີດກັບເຈົ້າໄດ້ຕະຫລອດເວລາແລະໃນທຸກຄວາມໄວ ມື້ນີ້ເຮົາຈຶ່ງມີວິທີຮັບມືກັບບັນຫາຢາງລະເບີດຂະນະຂັບລົດມາຝາກ ເພື່ອໃຫ້ສາມາດແກ້ບັນຫາສະເພາະໜ້າໄດ້ແລະຫລີກລ້ຽງອຸປະຕິເຫດຮ້າຍແຮງທີ່ອາດຈະເກີດຂຶ້ນ ຊຶ່ງຖ້າຢາງເກີດລະເບີດຂຶ້ນມາແລ້ວນັ້ນ ເພື່ອຄວາມປອດໄພຂອງທ່ານແລະຜູ້ໂດຍສານພາຍໃນລົດລວມໄປເຖິງຜູ້ຮ່ວມໃຊ້ເສັ້ນທາງ ໃນຖານະຜູ້ຂັບຂີ່ທ່ານຈະຕ້ອງຕັ້ງສະຕິແລ້ວປະຕິບັດຕາມວິທີຕໍ່ໄປນີ້
ຄວບຄຸມສະຕິໃຫ້ດີ ເບີ່ງແວ່ນຫລັງວ່າມີລົດຕາມມາຫລືບໍ່
ຈັບພວງມາໄລໄວ້ໃຫ້ແໜ້ນໆ
ຄ່ອຍໆຜ່ອນຄວາມໄວ
ຖ້າທາງໂລ່ງຄ່ອຍໆ ປ່ອຍລົດໄຫລໄປຈົນເລີ່ມຊະລໍຄວາມໄວ ຫລື ໃຫ້ຢຽບເບຣກເບົາໆ ຂໍ້ນີ້ສຳຄັນຫລາຍ ຫ້າມຢຽບແຮງເປັນອັນຂາດ ເພາະອາດຈະເຮັດໃຫ້ລົດເສຍຫລັກໝຸນໄດ້
ສຳລັບຜູ້ທີ່ຂັບເກຍແມນນວນ ຫ້າມຢຽບຄັດໂດຍເດັດຂາດ ເພາະຖ້າຢຽບຄັດ ຈະເຮັດໃຫ້ລົດຍົກຕົວ ແລະບັງຄັບລົດໄດ້ຍາກຂຶ້ນຈົນອາດເສຍຫລັກ ເພາະເມື່ອຫຍຽບຄັດຈະເປັນການຕັດແຮງບິດເຄື່ອງຈັກຈາກເພົານັ້ນເອງ
ຫ້າມດຶງເບຣກມື ເພາະອາດຈະເຮັດໃຫ້ລົດໝຸນ
ເມື່ອຄວາມໄວຫລຸດລົງພໍປະມານແລ້ວ ໃຫ້ເປີດສັນຍານໄຟລ້ຽວ ແລ້ວນຳລົດຈອດຂ້າງທາງ
ຖ້າເປັນລົດເກຍແມນນວນ ເມື່ອຄວາມໄວຫລຸດລົງໃນລະດັບທີ່ພໍຄວບຄຸມໄດ້ໃຫ້ປ່ຽນເກຍຕ່ຳລົງແລະຢຸດລົດ ໂດຍການເປີດສັນຍານໄຟລ້ຽວ ແລ້ວນຳລົດຈອດຂ້າງທາງ