spot_img
Homeຂ່າວການສຶກສາຖ້າຢາກປະສົບຄວາມສຳເລັດ ກໍ່ຢ່າຟ້າວພໍໃຈສິ່ງໃດງ່າຍໆ

ຖ້າຢາກປະສົບຄວາມສຳເລັດ ກໍ່ຢ່າຟ້າວພໍໃຈສິ່ງໃດງ່າຍໆ

Published on

success_puzzle

ຄົນທີ່ປະສ​​ົບຄວາມສຳເລັດ​ຈະຕ້ອງການໃຫ້ຜົນງານຂອງຕົນເອງອອກ​ມາ “ບໍ່​ມີ​ບ່ອນ​ຕິ” ແລະ ມັກຈະມີເປົ້າໝາຍ​ໃໝ່ໆ ທີ່ສູງຂຶ້ນໄປ ຊຶ່ງຕ້ອງໃຊ້ຄວາມພະຍາຍາມຫຼາຍຂຶ້ນ ເພື່ອໄປໃຫ້​ເຖິງໃຫ້ໄດ້

ຕົວຢ່າງເຊັ່ນ ນັກກິລາທີ່​ສ້າງຜົນງານໄດ້ດີ​ເລີດໃນສາຍຕາຂອງຜູ້ຊົມ ເມື່ອນັກຂ່າວສຳພາດ​ເຖິງເປົ້າໝາຍ ຕໍ່ໄປຂອງເຂົາ ກໍ່ຄົງບໍ່ມີໃຜຕອບວ່າ ເຂົາພໍໃຈຫຼາຍ ແລະ ຈະຢຸດຄວາມສາມາດໄວ້ພຽງ​ເທົ່ານີ້ ທຸກຄົນລ້ວນ​ແຕ່ມີການ​ເບິ່ງເປົ້າໝາຍທີ່ສູງຂຶ້ນໄປ ແລະ ພ້ອມທີ່ຈະພັດທະນາຝີມືຄວາມສາມາດໃຫ້ດີຂຶ້ນໄປອີກ ທຸກຄົນຈຶ່ງມັກຈະຕອບວ່າ “ຢາກ​ເຮ​ັດໃຫ້ໄດ້ດີກວ່ານີ້ອີກ”

ແມ່ນແຕ່ແຊມປ໌ໂລກ ກໍ່ຍັງຕ້ອງມີການພັດທະນາຢ່າງຕໍ່ເນື່ອງ ເພື່ອຮັກສາແຊມປ໌ເອົາໄວ້ໃຫ້ໄດ້ ຊຶ່ງບໍ່​​ແມ່ນເລື່ອງງ່າຍເລີຍ ເພາະຄູ່ແຂ່ງຂອງເຂົາຈະຕ້ອງຝຶກຊ້ອມຢ່າງໜັກ ເພື່ອໃຫ້ໄດ້ຂຶ້ນມາເປັນເບີໜຶ່ງແທນທີ່ເຂົາ ເມື່ອ​ໃດກໍ່ຕາມທີ່ເຂົາ ຢຸດພັດທະນາ ບໍ່ຕັ້ງເປົ້າໝາຍໃຫ້ສູງຂຶ້ນ ເມື່ອນັ້ນຄົນທີ່ມີການພັດທະນາຢ່າງຕໍ່ເນື່ອງ ຢູ່ຕະຫຼອດເວລາຈະຂຶ້ນມາແທນທີ່ເຂົາ ແລະ ອາດແຊງໜ້າເຂົາໄປໄກໃນທີ່ສຸດ

ດັ່ງນັ້ນ, ຄົນທີ່ປະສົບຄວາມສໍາເລັດ ກໍ່ຄື ຄົນທີ່​ເຮັດໃຫ້​ເຖິງທີ່ສຸດ ເພາະຄົນທຳມະດາທົ່ວໄປມັກຈະພໍໃຈແລ້ວກັບຜົນງານທີ່​ໄດ້​ພຽງ 80% ຂອງເປົ້າໝາຍ ແລ້ວ​ເອີ້ນ​ລະດັບຂອງຜົນງານວ່າພໍໃຊ້ໄດ້ແລ້ວ ແລະ ຢຸດຄວາມພະຍາຍາມໄວ້ພຽງ​ເທົ່າ​ນັ້ນ ແຕ່ສຳລັບຄົນທີ່ປະສົບຄວາມສຳເລັດ ການ​ເຮັດໄດ້ພຽງ “ພໍໃຊ້” ນັ້ນບາງຄັ້ງທຽບເທົ່າກັບ “​ເຮັດ​ບໍ່​ໄດ້” ດ້ວຍ​ຊ້ຳ ເນື່ອງຈາກລະດັບທີ່ວັດວ່າ “ສຳເລັດ” ຂອງເຂົານັ້ນຕ້ອງຢູ່ໃນລະດັບ “ບໍ່​ມີ​ບ່ອນ​ຕິ” ​ເທົ່າ​ນັ້ນ

ໃນໂລກຂອງຄົນ​ເຮັດ​ວຽກ ເຮົາກໍ່ຕ້ອງມີເປົ້າໝາຍໃນການ​ເຮັດ​ວຽກ ບໍ່ວ່າຈະເປັນ ເປົ້າໝາຍ​ລາຍເດືອນ ເປົ້າໝາຍລາຍໄຕມາດ ຫຼື ເປົ້າໝາຍ​ລາຍປີ ຄົນແຕ່ລະຄົນ​ ເຖິງຈະຢືນຢູ່ຈຸດດຽວກັນກໍ່ຕາມ ​ແຕ່ຍັງຕີຄວາມໃນເລື່ອງຂອງເປົ້າໝາຍບໍ່ຄືກັນ ​ເຮັດໃຫ້ຄົນທີ່ມຸ່ງໝັ້ນໃນການສະແຫວງຫາຄວາມບໍ່​ມີ​ບ່ອນ​ຕິ ກັບຄົນທີ່ພໍໃຈໃນຜົນ​ໄດ້​ຮັບທີ່ໄດ້ 80% ມີຄວາມຮູ້ສຶກຕໍ່ການບັນລຸຜົນທີ່ບໍ່ເທົ່າກັນ ເຊັ່ນ: ເປົ້າໝາຍຄື ຕ້ອງ​ເຮັດໃຫ້ຍອດຂາຍ​​ເພີ່ມຂຶ້ນ 20% ຄົນທີ່ປະສົບຄວາມສຳເລັດຈະຖືວ່ານີ້ຄືເປົ້າສຳລັບກ້າວສູ່ຂັ້ນຕໍ່ໄປ ຖ້າ​ເຮັດເປົ້ານີ້​ສຳ​ເລັດຈະໄດ້ໄປຢືນລໍຖ້າ ເພື່ອ​ເຮັດເປົ້າຕໍ່ໄປ

ແຕ່ສຳລັບຄົນທົ່ວໆໄປ ພໍ​ເຮັດໄດ້ສຳ​ເລັດ​ແລ້ວ ກໍ່ດີໃຈໃຫຍ່ໂຕ ແລະ ພ້ອມທີ່ຈະຢຸດ ເພາະ​ເບິ່ງ​ບໍ່ເຫັນຂັ້ນຖັດໄປທີ່ຈະຕ້ອງ​ເຮັດ​ຕໍ່ ຊຶ່ງກໍ່ເປັນເລື່ອງທຳມະດາຂອງມະນຸດທີ່ເມື່ອ​ເຮັດ​ວຽກແລ້ວກໍ່ຢາກຈະພັກ ​ເຖິງຄົນທັງສອງປະເພດຈະມຸ່ງໜ້າເຂົ້າສູ່ເປົ້າໝາຍຄື​ກັນ ແຕ່ເປົ້າໝາຍທີ່ວາດໃນໃຈຂອງທັງສອງຄົນ ກັບເປັນຄົນລະເປົ້າໝາຍກັນໂດຍສິ້ນເຊີງ ຄວາມແຕກຕ່າງທີ່ເຫັນໄດ້ຈາກພຶດຕິກຳທີ່ສະແດງອອກນັ້ນ ບໍ່​ແມ່ນວ່າ ຄົນທີ່ບໍ່ເກັ່ງເປັນຄົນບໍ່ເອົາການເອົາງານ ແຕ່ເປັນເພາະ ຄົນເຫຼົ່ານີ້ຄິດ​ບໍ່​ເຖິງວ່າ ຖ້າ​ເຮັດໄດ້ຕາມເປົ້າແລ້ວ ຍັງມີສິ່ງ​ໃດທີ່ຈະຕ້ອງ​ເຮັດ​ຕໍ່ອີກ

ຖ້າຢາກຈະເປັນຄົນທີ່ປະສົບຄວາມສຳເລັດຈະຕ້ອງມີຄວາມຕ້ອງການຫຼາຍຂຶ້ນໄປເລື້ອຍໆ ຕາມລະດັບຄວາມເກັ່ງຂອງຕົນ ເຖິງຜົນທີ່ໄດ້ຈະດີຢູ່ແລ້ວກໍ່ຕາມ ກໍ່ຍັງມີຄວາມຮູ້ສຶກວ່າ ຖ້າ​ເຮັດ​​ແບບນັ້ນໜ້າຈະໄດ້ດີກວ່ານີ້ ​ເທື່ອໜ້າລອງ​ເຮັດອີກວິທີໜຶ່ງ​ເບິ່ງດີກວ່າ ຫາວິທີພັດທະນາຕົນເອງຢູ່ຕະຫຼອດເວລາ ຢ່າຟ້າວພໍໃຈສິ່ງ​ໃດ​ງ່າຍໆແລ້ວຢຸດທີ່ຈະພັດທະນາໃຫ້ດີຍິ່ງຂຶ້ນ ເພາະມັນຄືອຸປະສັກທີ່​ເຮັດໃຫ້ໄປບໍ່​ເຖິງຄວາມສຳ​ເລັດຈັກ​ເທື່ອ ຈົ່ງ​ເບິ່ງໄປຂ້າງໜ້າ ແລ້ວຈະພົບວ່າຍັງມີຄວາມທ້າທາຍໃໝ່ໆ ທີ່ລໍຖ້າຢູ່ໃນຂັ້ນຕໍ່ໆໄປ

 

ແຫຼ່ງຂໍ້​ມູນ: http://th.jobsdb.com/TH/TH/

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...