ສຳນັກຂ່າວຕ່າງປະເທດ ລາຍງານໃນວັນທີ 21 ຕຸລານີ້ວ່າ ສົມເດັດພຣະຣາຊິນີ ອາລິຊາເບດ ທີ 2 ແຫ່ງອັງກິດ ໄດ້ຈັດງານລ້ຽງອາຫານຄ່ຳ ເພື່ອຮັບຮອງ ພະນະທ່ານ ສີຈິ້ນຜິງ ປະທານປະເທດຈີນ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງຈີນ ທີ່ພະຣາຊະວັງແບັກກິງແຮມ ເມື່ອຕອນຄ່ຳຂອງວັນທີ 20 ຕຸລາຜ່ານມາ ໃນລະຫວ່າງການເດີນທາງ ຢ້ຽມຢາມປະເທດອັງກິດຢ່າງເປັນທາງການຂອງຜູ້ນຳຈີນ ໂດຍມີເປົ້າໝາຍເພື່ອເປີດບັນຍາກາດໃໝ່ ຂອງການຮ່ວມມືດ້ານການຄ້າ ແລະ ການລົງທຶນລະຫວ່າງສອງປະເທດ.
ທັງນີ້ ລັດຖະບານອັງກິດຄາດວ່າ ການຢ້ຽມຢາມຂອງພະນະທ່ານ ສີຈິ້ນຜິງ ໃນຄັ້ງນີ້ ຈະນຳມາຊຶ່ງຂໍ້ຕົກລົງດ້ານການຄ້າ ແລະ ການລົງທຶນ ທີ່ເປັນມູນຄ່າຫລາຍກ່ວາ 30 ຕື້ປອນ ແລະ ຈະຊ່ວຍສ້າງການຈ້າງງານໃຫ້ແກ່ຊາວອັງກິດ ຫລາຍກ່ວາ 3,900 ຕຳແໜ່ງ.
່າວ,