ຄວາມປອດໄພເທິງໂລກອອນໄລນ໌ກາຍເປັນປະເດັນຮ້ອນແຮງທັນທີ ຫລັງຈາກທີ່ Edward Snowden ອະດີດລູກຈ້າງຂອງຫນ່ວຍສືບລາດສະການລັບແຫ່ງສະຫະລັດອາເມຣິກາ (ຊີໄອເອ) ໄດ້ອອກມາເປີດເຜີຍວ່າໄດ້ມີເຄື່ອງມືສຳລັບລັກລອບດັກຟັງແລະເບິ່ງຂໍ້ມູນ (PRISM)
ຫລ້າສຸດທາງ Facebook ໄດ້ເພີ່ມຄຸນສົມບັດໃໝ່ ໂດຍຈະແຈ້ງເຕືອນໄປຍັງຜູ້ໃຊ້ທັນທີ ຫາກບັນຊີຜູ້ໃຊ້ຂອງເຈົ້າກຳລັງຖືກຄຸກຄາມໂດຍມີລັດຖະບານຢູ່ເບື້ອງຫລັງ ທາງ Alex Stamos ປະທານເຈົ້າຫນ້າທີ່ຝ່າຍຮັກສາຄວາມປອດໄພຂອງ Facebook ໄດ້ລະບຸວ່າ ເຫດຜົນທີ່ຕັດສິນໃຈເພີ່ມການແຈ້ງເຕືອນເຊັ່ນນີ້ ເນື່ອງຈາກການຖືກຄຸກຄາມໂດຍລັດຖະບານນັ້ນ ແຕກຕ່າງຈາກການແຮັກທົ່ວໄປ ແລະຍາກທີ່ຈະປ້ອງກັນຕົວເອງ ພວກເຂົາຈຶ່ງຄິດວ່າການແຈ້ງເຕືອນຜູ້ໃຊ້ເປັນທາງເລືອກທີ່ຖືກຕ້ອງແລ້ວ ຢ່າງໃດກໍຕາມທາງ Facebook ໄດ້ລະບຸວ່າວ່າ ບໍ່ສາມາດເປີດເຜີຍວິທີທີ່ທາງ Facebook ໃຊ້ໃນການກວດສອບວ່າການໂຈມຕີມາຈາກລັດຖະບານໄດ້