ໃນ​ວັນ​ທີ 14 ຕຸລາ​ນີ້, ​ພະ​ແນ​ກຕຳຫລວດສະກັດ​ກັ້ນ ​ແລະ ຕ້ານ​ອັກຄີ​ໄພ ນະຄອນ ຫລວງ​ວຽງ​ຈັນ ​​ໄດ້​ມອບ​ລົດ​ມອດ​ໄຟ​ຈຳນວນ 2 ຄັນ​ໃຫ້ກອງ​ບັນຊາ​ການ​ເມືອງ​ຫາດ​ຊາຍ​ຟອງ ເພື່ອ​ຍົກ​ສູງ​ຄວາມ​ອາດ​ສາມາດ​ໃນ​ການ​ສະກັດ​ກັ້ນ​ ​ແລະ ຕ້ານ​ອັກຄີ​ໄພ ເນື່ອງ​ຈາກ​​ເຫັນ​ວ່າ​ໃນ​ຜ່ານ​ມາສະພາບ​ອັກຄີ​ໄພ​ມັກ​ເກີດ​ຂຶ້ນ​ ​ແລະ ນຳ​ຜົນ​ເສຍ​ຫາຍ​ເປັນ​ຈຳນວນ​ຫລວງຫລາຍ​ມາສູ່​ສັງຄົມ​ໂດຍ​ສະ​ເພາະ​ລະດູ​ແລ້ງ, ດັ່ງນັ້ນ ປກສ ນະຄອນຫລວງ​ວຽງ​ຈັນ​ຈຶ່ງ​ໄດ້​ເພີ່ມ​ທະວີ​ຍົກ​ສູງ​ປະສິດທິພາບ​ຂອງ​ວຽກ​ງານ​ດັ່ງກ່າວ ​ເຊຶ່ງ​ການ​ນຳ​ເອົາ​ລົດ​ມອດ​ໄຟ ຈຳນວນ 2 ຄັນ​ ມາ​ມອບ​ໃຫ້​ ປກສ ​ຫາດ​ຊາຍ​ຟອງ ຄັ້ງນີ້ເປັນ​ໜຶ່ງ​ໃນ 5 ​ເມືອງ​ນອກຂອງ​ນະຄອນຫລວງ​ວຽງ ລົດ​ດັ່ງກ່າວ​ປະກອບ​ມີ: ຄັນ​ໜຶ່ງ ບັນຈຸ​ນ້ຳ​ໄດ້ 10.000 ລິດ ​ແລະ ອີກ​ໜຶ່ງ​ຄັນ ບັນຈຸ​ນ້ຳ​ໄດ້ 8.000 ລິດ, ພ້ອມ​ນີ້​ຍັງ​ໄດ້​ລົງຊ່ວຍ​ຝຶກ​ອົບຮົມ ​ແລະ ສອນ​ວິທີ​ນຳ​ໃຊ້​ລົດ​ມອດ​ໄຟ​ດັ່ງກ່າວ​ໃຫ້​ເຈົ້າ​ໜ້າ​ທີ່​ຜູ້​ເຮັດ​ວຽກ​ງານ​ນີ້ ​ໃຫ້ມີ​ຄວາມ​ສຳ​ນິສຳ​ນານ ​ໃນ​ການ​ນຳ​ໃຊ້​ເຂົ້າ​ໃນ​ການສະກັດ​ກັ້ນ ​ແລະ ຕ້ານ​ອັກຄີ​ໄພ ຢູ່​ສະຖານ​ທີ່​ເກີດ​ເຫດ​ຕ່າງໆ​​ໄດ້​ວ່ອງ​ໄວ ​ແລະ ທ່ວງທັນ​ເວລາ.

ແຫລ່ງຂ່າວ: