ສຳນັກຂ່າວຕ່າງປະເທດລາຍງານວ່າ ນາຊ່າໄດ້ເປີດເຜີຍວິດີໂອສຸດຮືຮາ ເປັນພາບພາຍຸຂະໜາດຍັກທີ່ປາກົດເທິງດາວພະຫັດ ຈາກກ້ອງໂທລະທັດຮັບເບີນ ທີ່ເຝົ້າຕິດຕາມລະບົບສຸລິຍະຈັກກະວານຫລາຍກວ່າ 20 ປີ ໂດຍເປັນເທື່ອທີ່ສອງທີ່ນາຊ່າໄດ້ເຫັນປາກົດການລັກສະນະນີ້
ລາຍງາລະບຸວ່າ ພາບວິດີໂອດັ່ງກ່າວຊຶ່ງຖ່າຍດ້ວຍລະບົບຄວາມແຈ້ງສູງ ຫລື”HD”4k ເປັນພາບຫລ້າສຸດຂອງກ້ອງຮັບເບີນທີ່ທຸກປີຈະສົ່ງພາບໃໝ່ໆ ມາໃຫ້ແກ່ອົງການນາຊ່າ
ໂດຍພາບຫລ້າສຸດ ໄດ້ປາກົດພົບສິ່ງທີ່ເອີ້ນວ່າ”ຈຸດແດງຂະໜາດໃຫຍ່”ຫລືພາຍຸຂະໜາດຍັກເທິງພື້ນຜິວດາວພະຫັດ ໂດຍຈາກການປະເມີນຄາດວ່າ ພາຍຸນີ້ຈະຫລຸດຕົວລົງກວ່າເມື່ອປີ 2014 ຫລືມີຂະໜາດຍາວ 150 ກິໂລແມັດ ແລະ ເຄື່ອນຕົວຊ້າເຖິງຂະໜາດສາມາດຈັບຄວາມໄວຂອງມັນໄດ້ ຫລືມີຄວາມໄວລົມ 330 ກິໂລແມັດຕໍ່ຊົ່ວໂມງ ໂດຍວິດີໂອນີ້ຖືເປັນການພົບເຫັນພາຍຸຂະໜາດຍັກເທິງດາວພະຫັດເປັນເທື່ອທີ່ສອງເທົ່ານັ້ນ ນັບຕັ້ງແຕ່ປີ 1979 ໂດຍນາຊ່າບອກວ່າພາບນີ້ເປັນພາບຫາຊົມໄດ້ຍາກຫລາຍ
ຂະນະທີ່ວິດີໂອນີ້ປາກົດ ສ້າງຄວາມຮືຮາຢ່າງຫລາຍ ໂດຍມີຜູ້ເຂົ້າຊົມຜ່ານຍູທູບກວ່າ 1 ລ້ານວິວແລ້ວ
ສຳລັບກ້ອງຮັບເບີນ ໄດ້ຖືກສົ່ງຂຶ້ນສູ່ອາວະກາດຕັ້ງແຕ່ປີ 1990 ເພື່ອຊ່ວຍຈັບພາບປາກົດການຕ່າງໆ ໃນລະບົບສຸລິຍະຈັກກະວານ ແລະ ເພື່ອໃຫ້ນາຊ່າໄດ້ເຂົ້າໃຈຈັກກະວານໄດ້ດີຍິ່ງຂຶ້ນ