ສຳນັກຂ່າວຕ່າງປະເທດ ລາຍງານໃນວັນທີ 15 ຕຸລາຜ່ານມານີ້ວ່າ ປະທານາທິບໍດີ ບາຣັກ ໂອບາມາ ແຫ່ງສະຫະລັດອາເມຣິກາ ໄດ້ປະກາດໃນມື້ວັນພຸດທີ 14 ຕຸລາຜ່ານມາ ວ່າໄດ້ສົ່ງທະຫານຈຳນວນ 300 ຄົນ ເຂົ້າສູ່ປະເທດກາເມຣູນແລ້ວ ເພື່ອຊ່ວຍເຫລືອລັດຖະບານກາເມຣູນຕໍ່ສູ້ກັບກຸ່ມຕິດອາວຸດໂບໂກຮາຣາມ ຢູ່ປະເທດເນຊີຣີ ໂດຍທະຫານຈຳນວນດັ່ງກ່າວນີ້ ຈະອອກປະຕິບັດການທາງອາກາດ ເພື່ອສືບຂ່າວ, ສອດແນມ ແລະ ສາລະເວ.
ທັງນີ້ ປະເທດກາເມຣູນໄດ້ຕົກເປັນເປົ້າໝາຍການໂຈມຕີຂອງກຸ່ມໂບໂກຮາຣາມ ຊຶ່ງມີຖານທີ່ໝັ້ນໃນປະເທດເນຊີຣີ ເນື່ອງຈາກກາເມຣູນ ໄດ້ໃຫ້ການສະໜັບສະໜູນລັດຖະບານເນຊີຣີ ເພື່ອຕໍ່ສູ້ກັບກຸ່ມດັ່ງກ່າວ.