ມະນຸດຈະມີຄວາມມັກອາຫານທີ່ມີລົດຊາດຂົມທີ່ບໍ່ຄືໃຜ ເຊັ່ນ ຊັອກໂກແລດ (Dark Chocolate) ກາແຟ ຫລືບລັອກໂຄລີ ໂດຍທົ່ວໄປແລ້ວສ່ວນໃຫຍ່ສັດອື່ນໆ ຈະຕີຄວາມລົດຊາດຂົມວ່າເປັນຄຳເຕືອນໃຫ້ຫລີກລ້ຽງຈາກອາຫານເຫລົ່ານັ້ນ ແຕ່ມະນຸດບາງຄົນບໍ່ຄິດເຊັ່ນນັ້ນ ນັກວິທະຍາສາດກໍບໍ່ແນ່ໃຈເຊັ່ນກັນວ່າເປັນຫຍັງ?
ການມັກອາຫານລົດຂົມ ອາດເປັນພາບສະທ້ອນບຸກຄະລິກກະພາບຂອງເຈົ້າ ຕາມການສຶກສາໃໝ່ໃນວາລະສານ Appetite ກ່າວວ່າ ຜູ້ຄົົນທີ່ມີຄວາມມັກໃນອາຫານລົດຂົມ ມີແນວໂນ້ມທີ່ຈະເປັນພະຍາດທາງຈິດແລະຕໍ່ຕ້ານສັງຄົມ
ການສຶກສາເທື່ອນີ້ໄດ້ມີການຖາມຄົນຈຳນວນ 500 ຄົນເຖິງຄວາມສຸກທີ່ແຕກຕ່າງກັນລະຫວ່າງຂອງຕົວຢ່າງອາຫານທີ່ມີລົດຫວານ ສົ້ມ ເຄັມ ແລະ ຂົມ ຈາກນັ້ນພວກເຂົາຈະຖືກຖາມຕໍ່ດ້ວຍຊຸດທົດສອບປະເມີນບຸກຄະລິກເພື່ອປະເມີນຄວາມໃຈຮ້າຍ ຊຶ່ງມີທັງການວັດບຸກຄະລິກດ້ານມືດ (ການຫລົງຕົວເອງ ຄວາມຜິດປົກກະຕິທາງຈິດ ແລະ ຄົົນທີ່ມີບຸກຄະລິກກະພາບແບບ Mach) ວັດຄວາມຊາດິດ (ທັງທາງຄຳເວົ້າ ລັກສະນະພາຍນອກ ແລະ ຄວາມຮູ້ສຶກນຶກຄິດ) ລວມທັງການວັດເພື່ອຈັດກຸ່ມບຸກຄະລິກກະພາບ 5 ດ້ານ (ຄົົນທີ່ມີບຸກຄະລິກດ້ານບວກຕໍ່ຕົນເອງແລະສິ່ງຮອບຂ້າງ, ຄົົນທີ່ມີບຸກຄະລິກໃນການປັບຕົວເຂົ້າກັບຄົນອື່ນໄດ້ດີ, ຄົົນທີ່ມີຄວາມຮັບຜິດຊອບ, ດ້ານຄວາມໝັ້ນຄົງທາງອາລົມ ແລະ ຄົົນທີ່ມີບຸກຄະລິກກະພາບແບບກົງໄປກົງມາ)
ຈາກການສຶກສາພົບວ່າ ກຸ່ມຄົົນທີ່ມັກອາຫານລົດຂົມມີແນວໂນ້ມທີ່ໄດ້ຄະແນນດ້ານຄວາມຜິດປົກກະຕິທາງຈິດ ຄວາມຊາດິດ ແລະ ຄວາມໃຈຮ້າຍງ່າຍ ຊຶ່ງຕາມຂໍ້ມູນທີ່ໄດ້ຈາກການສຶກສາ ເມື່ອນຳມາເຊື່ອມໂຍງກັນແລ້ວ ຜົນທີ່ໄດ້ສະແດງໃຫ້ເຫັນວ່າ “ຍິ່ງເຮົາມັກອາຫານແລະເຄື່ອງດື່ມທີ່ມີລົດຂົມເທົ່າໃດ ກໍຍິ່ງເຊື່ອມໂຍງກັບບຸກຄະລິກກະພາບດ້ານມືດເທົ່ານັ້ນ” ຜູ້ຂຽນງານວິໄຈກ່າວ
ນອກນີ້ ນັກວິໄຈກໍຍັງໃຫ້ຄວາມສົນໃຈຕໍ່ຄວາມເຂົ້າໃຈໃນສິ່ງທີ່ເຮັດໃຫ້ຄົົນທີ່ມັກອາຫານສະເພາະລົດຊາດທີ່ຂົມ ອາດມີເງື່ອນງຳທີ່ຊັບຊ້ອນໃນເຊີງຊີວະວິທະຍາແລະຈິດວິທະຍາ ລວມທັງການໄດ້ຮັບແຮງຈູງໃຈຕໍ່ການຕອບສະໜອງຕໍ່ລົດຊາດແລະກິ່ນຂອງອາຫານ
ນອກຈາກນີ້ນັກວິໄຈຍັງມີຄວາມກັງວົນໃຈຕໍ່ການເລືອກໃຊ້ອາຫານສຳລັບເປັນຕົວຢ່າງຂອງອາຫານທີ່ມີລົດຂົມ ເນື່ອງຈາກຄົນແຕ່ລະຄົນມີການອະທິບາຍລົດຊາດທີ່ແຕກຕ່າງກັນ
ແລະເຖິງແມ່ນວ່າ ການສຶກສາເທື່ອນີ້ຈະເປັນກໍລະນີສຶກສາທີ່ດີສຳລັບຄວາມສຳພັນລະຫວ່າງ “ບຸກຄະຄິກດ້ານມືດ” ກັບຄວາມພໍໃຈໃນລົດຂົມ ແຕ່ກໍບໍ່ໄດ້ໃຫ້ຂໍ້ມູນໃດໆ ກ່ຽວກັບສິ່ງທີ່ອາດກໍ່ໃຫ້ເກີດຄວາມພໍໃຈ ວ່າມີຄວາມກ່ຽວຂ້ອງທາງຊີວະວິທະຍາຫລືຈິດວິທະຍາ ຫລືທັງສອງສາດເທົ່າໃດ ທັງນີ້ຍັງຄົງຕ້ອງເຮັດການສຶກສາກັນຕໍ່ໄປ
ອ້າງອິງ: www.popsci.com/psychopaths-may-prefer-bitter-foods