ໄມ​ໂຄ​ຣຊອບ​ກຽມ​ຖອນ Control Panel ໃນ Windows 10 ແທນ​ທີ່​ດ້ວຍ​ເມ​ນູ Settings

ເມື່ອ​ວັນທີ່ 9 ຕຸລາ 2558 ເວັບ​ໄຊຕ໌  neowin.net ໄດ້​ເປີດ​ເຜີຍ​ວ່າ ໄມ​ໂຄ​ຣຊອບ​ມີ​ແຜນ​ທີ່​ຈະ​ຖອນControl Panel ອອກ​ຈາກ  Windows 10 ໃນ​ອະນາຄົດ ເນື່ອງ​ຈາກ​ຕັ້ງ​ແຕ່ Windows 8 ກໍ​ມີ​ເມ​ນູ Settings ສຳລັບ​ໃຊ້​ຕັ້ງ​ຄ່າ​ຕ່າງໆ ຄ້າຍ​ກັບ Control Panel ແລ້ວ ແຕ່​ຍັງ​ບໍ່​ສາມາດ​ຕັ້ງ​ຄ່າ​ໄດ້​ຄອບ​ຄຸມ​ຄືກັບ Control Panel ແຕ່​ຫລັງ​ຈາກ​ທີ່​ເມ​ນູ Settings ຖືກ​ປັບປຸງ​ໃຫ້​ສົມບູນ​ໃນ​ການ​ອັບ​ເດດ​ເທື່ອ​ຕໍ່​ໆໄປ​ຂອງ Windows 10 ແລ້ວ ໄມ​ໂຄ​ຣຊອບກໍ​ຈະ​ຖອນ Control Panel ອອກ​ຢ່າງ​ຖາວອນ ເພື່ອ​ໃຫ້​ເມ​ນູ Settings ມາ​ແທນ​ທີ່
         ​ສາ​ເຫດ​ທີ່​ໄມ​ໂຄ​ຣຊອບ​ຕ້ອງ​ຖອນ  Control Panel ອອກ​ໄປ​ນັ້ນ ເນື່ອງ​ຈາກ​ການ​ເກັບ​ທັງ​ເມ​ນູ Settings ແລະ Control Panel ເອົາ​ໄວ້​ທັ້ງ​ຄູ່​ຈະ​ເຮັດໃຫ້​ເປືອງ​ຊັບພະ​ຍາ​ກອນ​ເຄື່ອງ​ເກີນ​ຄວາມ​ຈຳ​ເປັນ ສຳລັບ​ຜູ້​ໃຊ້  Windows 10 ທີ່​ຍັງ​ລື້ງເຄີຍ​ການ​ໃຊ້ Control Panel ຫລາຍກວ່າ​ກໍ​ຕ້ອງ​ກຽມ​ປັບ​ຕົວ​ຫັນ​ໄປ​ໃຊ້​ເມ​ນູ Settings ກັນ​ໄດ້​ແລ້ວ