„ໄຕ້ຝຸ່ນ “ມູຈີແກ”ຖະຫລົ່ມຈີນພົບຜູ້ເສຍຊີວິດ 19 ລາຍ ພາຍຸໄຕ້ຝຸ່ນ “ມູຈີແກ”ທີ່ພັດເຂົ້າຖະຫລົ່ມທາງຕອນໃຕ້ຂອງຈີນ ເຮັດໃຫ້ບ້ານເຮືອນໄດ້ຮັບຄວາມເສຍຫາຍແລະມີຜູ້ເສຍຊີວິດແລ້ວ 19 ລາຍ ສູນຫາຍອີກ 4 ຄົນ ມື້ວັນພຸດທີ່ 7 ຕຸລາ ເວລາ 11:25 ນາທີ ຕາມເວລາທ້ອງຖິ່ນ ສຳນັກຂ່າວຮອຍເຕີລ໌ ລາຍງານຈາກເມືອງຊ່ຽງໄຮ້ ປະເທດຈີນ ເມື່ອວັນທີ່ 7 ວ່າ ພາຍຸໄຕ້ຝຸ່ນ “ມູຈີແກ”ພັດເຂົ້າຖະຫລົ່ມຈີນຈົນມີຍອດຜູ້ເສຍຊີວິດແລ້ວ 19 ລາຍ ໃນຈຳນວນນີ້ 7 ລາຍ ເປັນປະຊາຊົນໃນມົນທົນກວາງຕຸ້ງ ທາງຕອນໃຕ້ຂອງປະເທດ ຂະນະທີ່ສຳນັກຂ່າວຊິນຫົວຂອງຈີນລາຍງານວ່າ ອີກ 7 ລາຍ ເປັນຜູ້ທີ່ເສຍຊີວິດຈາກເຫດການດິນເຈື່ອນ ນອກຈາກນີ້ ຍັງພົບຊາວປະມົງ 3 ລາຍ ເສຍຊີວິດເພາະອຸປະຕິເຫດໃນທະເລ ຊາວບ້ານອີກ 1 ຄົນເສຍຊີວິດຈາກເຫດບ້ານຖະຫລົ່ມເນື່ອງຈາກຄວາມແຮງຂອງພາຍຸ ແລະຊາວປະມົງອີກ 4 ຄົນ ຍັງຄົງສູນຫາຍ ພາຍຸໄຕ້ຝຸ່ນມູຈີແກເຮັດໃຫ້ເກີດດິນເຈື່ອນທີ່ມົນທົນກວາງຕຸ້ງເມື່ອວັນທີ່ 4 ທີ່ຜ່ານມາ ເປັນເຫດໃຫ້ເກີດໄຟຟ້າດັບບໍລິເວນພື້ນທີ່ຊາຍຝັ່ງ ຈົນເຈົ້າຫນ້າທີ່ຕ້ອງຍົກເລີກຖ້ຽວບິນຈຳນວນຫລາຍສິບຖ້ຽວ ແລະ ຍົກເລີກການໃຫ້ບໍລິການລົດໄຟຄວາມໄວສູງ ຫນ່ວຍງານກິດຈະການພົນລະເຮືອນຂອງມົນທົນດັ່ງກ່າວເຜີຍວ່າ ພາຍຸຖະຫລົ່ມເທື່ອນີ້ຍັງມີຄວາມເສຍຫາຍມູນຄ່າ 23,240 ລ້ານຫຍວນ ກະທົບກັບຊີວິດປະຊາຊົນຈຳນວນ 3.5 ລ້ານຄົນ