ຊາວຈີນນັບແສນຄົນໃນພື້ນທີ່ທາງຕອນໃຕ້ຂອງປະເທດຕ້ອງອົບພະຍົບໜີໄພ ຫລັງພາຍຸໄຕ້ຝຸ່ນມູຈີແກຂຶ້ນຝັ່ງ
ຊາວຈີນນັບແສນຄົນໃນພື້ນທີ່ຕອນໃຕ້ຂອງປະເທດຕ້ອງອົບພະຍົບຢ່າງເລັ່ງດ່ວນ ຂະນະທີ່ພາຍຸໄຕ້ຝຸ່ນມູຈີແກຂຶ້ນຝັ່ງໃກ້ກັບເມືອງຈ້ານຈຽງ ໃນແຂວງກວ່າງຕົງ ເມື່ອວັນທີ່ 4 ຕຸລາ ໂດຍທາງກົມອຸຕຸນິຍົມວິທະຍາແຫ່ງຊາດຈີນໄດ້ປະກາດແຈ້ງເຕືອນໄພຂຶ້ນສູ່ລະດັບສີແດງ ເຊີ່ງເປັນລະດັບການກຽມການຂັ້ນສູງສຸດຂອງຈີນ ໂດຍແຈ້ງເຕືອນວ່າຈະມີປະລິມານນ້ຳຝົນຕົກລົງມາ 280 ມິນລິແມັດ ໃນບາງພື້ນທີ່ຕັ້ງແຕ່ເຊົ້າມື້ອາທິດເຖິງເຊົ້າມື້ວັນຈັນ
ຄາດວ່າມູຈີແກຈະຂຶ້ນຝັ່ງທັງກວ່າງຕົງ ແລະ ເກາະໄຫ່ໜານ ເຊີ່ງກ່ອນທີ່ຄາດເດົາວ່າພາຍຸຈະອ່ອນກຳລັງລົງໃນອີກສອງມື້ຂ້າງໜ້າ
ສຳລັບສະໜາມບິນໄຫ່ໜານໃນເມືອງໄຫໂຂ່ ໄດ້ຍົກເລີກຖ້ຽວບິນເຂົ້າ ແລະ ຖ້ຽວບິນອອກ ສ່ວນລົດໄຟຄວາມໄວສູງລະຫວ່າງເມືອງໄຫໂຂ່ ແລະ ສູນນັກທ່ອງທ່ຽວຊັນຢາ ໄດ້ຖືກລະງັບຊົ່ວຄາວໃນມື້ວັນເສົາ ແລະ ອາທິດ
