ວັນທີ 28 ກັນຍາຜ່ານມານີ້ ຢູ່ທີ່ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ມີພິທີມອບ – ຮັບໜ້າທີ່ລະຫວ່າງ ທ່ານ ນູລິນ ສິນບັນດິດ ລັດຖະມົນຕີວ່າການກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຜູ້ເກົ່າ ທີ່ອອກພັກຜ່ອນຮັບບຳນານ ແລະ ແຕ່ງຕັ້ງ ທ່ານ ສົມມາດ ພົນເສນາ ເປັນລັດຖະມົນຕີວ່າການກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຄົນໃໝ່ຂຶ້ນແທນ.
ໃຫ້ກຽດເປັນສັກຂີພິຍານໃນຄັ້ງນີ້ມີ ທ່ານ ອາຊາງ ລາວລີ ຮອງນາຍົກລັດຖະມົນຕີ ຜູ້ຊີ້ນຳວຽກງານຂົງເຂດການປົກຄອງ ພ້ອມດ້ວຍບັນດາຫົວໜ້າ, ຮອງຫົວໜ້າກົມ, ສະຖາບັນ ແລະ ພະນັກງານຫລັກແຫລ່ງພາຍໃນກະຊວງຊັບພະຍາກອນທຳມະຊາດ ແລະ ສິ່ງແວດລ້ອມເຂົ້າຮ່ວມ.