spot_img
Homeຂ່າວທ້ອງຖິ່ນເມືອງຫົງສາ ຈັດງານປະກວດເຂົ້າໜົມຫວານພື້ນເມືອງ ຄັ້ງທຳອິດ!

ເມືອງຫົງສາ ຈັດງານປະກວດເຂົ້າໜົມຫວານພື້ນເມືອງ ຄັ້ງທຳອິດ!

Published on

Untitled-1 .30.09.15.1

ຂປລ. ເມືອງ ​ຫົງ​ສາ ​ແຂວງ​ໄຊ​ຍະ​ບູລີ ໄດ້ຈັດງານ​ປະ​ກວດ​ເຂົ້າໜົມ​ຫວານ​ພື້ນ​ເມືອງ ​ເປັນ​ຄັ້ງ​ທໍາ​ອິດ ໃນວັນທີ23 ກັນຍາ 2015 ທີ່ເດີ່ນກິລາຂອງເມືອງ ​ເນື່ອງ​ໃນ​​ໂອກາດ​ປະກາດ ​ເມືອງຫົງ​ສາ ​ເປັນ​ເມືອງ​ຢຸດຕິ​ການ​ຖາງ​ປ່າ​ເຮັດ​ໄຮ່​ເລື່ອນລອຍ ​ແລະ ຮັບຮອງ​​ເອົາ 7 ບ້ານ​​ເປັນ​ບ້ານ​ພັດທະນາ​ຂອງ​ເມືອງ. ​ໂດຍ​ການ​ ​ເຂົ້າ​ຮ່ວມ​ຂອງ​ທ່ານ ຍັນ​ຍົງ ສີ​ປະ​ເສີດ ຮອງ​ເຈົ້າ​ແຂວງ​ໄຊ​ຍະ​ບູລີ, ​ມີເຈົ້າ​ເມືອງ-ຮອງ​ເຈົ້າ​ເມືອງ​, ພ້ອມ​ດ້ວຍປະຊາຊົນ​ ​ແລະ ນັກຮຽນ​ເຂົ້າ​ຮ່ວມງານ​ຄັ້ງ​ນີ້ ມີ​ຕົວ​ແທນຈາກ 10 ບ້ານ​ພາຍ​ໃນ​​ເທສະ​ບານ​ເມືອງ ສົ່ງ​ເຂົ້າໜົມ​ເຂົ້າ​ຮ່ວມ​ແຂ່ງຂັນ​ລວມມີ 10 ລາຍການ ​ເຊິ່ງ​ເປັນ​​ເຂົ້າໜົມ​ທີ່​ເກີດ​ຈາກ​ຫົວ​ຄິດ​ປະດິດ​ສ້າງ​ຂອງ​ປະຊາຊົນ​ບັນດາ​ ເຜົ່າ ​ໂດຍ​ການ​ນໍາ​ເອົາ​ວັດຖຸ​ດິບ​ຈາກ​ທ້ອງ​ຖິ່ນ​ ​ເປັນ​ຕົ້ນ​ແມ່ນ​ເຂົ້າ, ໝາກພ້າວ, ມັນ​ຕົ້ນ, ສາລີ, ​ເຜືອກ ​ແລະ ອື່ນໆ ປະສົມ​ປຸງ​ແຕ່ງ​ເປັນ​​ເຂົ້າໜົມ ​ຫວານ​ທີ່​ມີ​ສີສັນ​ສວຍ​ງາມ, ມີ​ກິ່ນ​ຫອມ ​ແລະ ມີ​ລົດ​ຊາດ​ແຊບ. ຜ່ານ​ການ​​ປະກວດ​, ​ຄະນະ​ກຳມະການ​​​ໄດ້ເປັນເອກະ ພາບ​ ​​​ໃຫ້ບ້ານ ​ ເມືອງ​ຫານ ທີ່​ເຮັດ​​ເຂົ້າໜົມຊັ້ນຫລາຍສີສັນຫອມ​ຫວານ ໄດ້ອັນ​ດັບໜຶ່​ ​, ອັນ​ດັບ 2 ບ້ານ​ນາ​ສ້າ​ນ ​ເຮັດ​ເຂົ້າຕົ້ມ​ຕັດ​ໃສ່​ໝາກພ້າ​ວຫອມ​ຫວານ ​​ແລະ ອັນ​ດັບ 3 ບ້ານ ຈຳປາ​ເຮັດ​ເຂົ້າຕົ້ມກະທິ​ພື້ນ​ບ້ານຫອມ​ຫວານ. ທັງ ​ນີ້ ​ເພື່ອ​ເປັນ​ການ​ອະນຸລັກ ປົກ​ປັກ​ຮັກສາ​ຮີດຄອງ​ປະ​ເພນີ​ອັນ​ດີງາມ​ຂອງ​ຊາດ, ​ຂອງ​ເຜົ່າ ​ໂດຍ​ສະ​ເພາະ​ແມ່ນ​ມູນ​ເຊື້ອ ​ຄວາມ​ດຸ​ໝັ່ນ​ຂະຫຍັນ​ພຽນ​​ໃນ​ການ​ປຸງ​ແຕ່ງອາຫານ, ການ​ປຸງ​ແຕ່ງ​ເຂົ້າໜົມ​ພື້ນ​ບ້ານ ທີ່​ເປັນ​ເອກະລັກ​ໃຫ້​ຢູ່​ຄຽງ​ຄູ່​ກັບ​ຊາວ​ເມືອງ​ຫົງ​ສາ​ຕະຫລອດ​ໄປ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...