ກ່ອນໜ້ານີ້ເມື່ອຕົ້ນປີ 2015 Apple ປັບນະໂຍບາຍໃໝ່ ຂະຫຍາຍຂະໜາດແອບ iOS ຈາກ 2GB ເປັນ 4GB ສົ່ງຜົນໃຫ້ພື້ນທີ່ຄວາມຈຸຂອງ iPhone ມີຂະໜາດພື້ນທີ່ໃຊ້ສອຍຫຼຸດລົງ ຫຼ້າສຸດ Google ຂະຫຍາຍຂະໜາດແອັບ ເທິງ Play Store ຈາກ 50MB ເປັນ 100MB ແລ້ວ ກ່ອນໜ້ານີ້ Google ເຄີຍຂະຫຍາຍແອັບໃຫຍ່ຂຶ້ນ 50 MB ເມື່ອປີ 2012
ການຈຳກັດຂະໜາດແອັບມີໄວ້ໃຫ້ນັກພັດທະນາຂຽນໂຄດໄດ້ຢ່າງມີປະສິດທິພາບ ໂດຍທີ່ຕ້ອງຄິດຄຳນຶງເຖິງຄວາມໄວໃນການດາວໂຫຼດ ແລະ ເປີດໃຊ້ແອັບໄດ້ໂດຍໃຊ້ເວລາບໍ່ດົນ ແຕ່ດ້ວຍຄວາມທີ່ API ຊຸດໃໝ່ໆມາພ້ອມກັບຟັງຊັ່ນທີ່ເພີ່ມຂຶ້ນ ນຳມາສູ່ການຂະຫຍາຍຂະໜາດແອັບໃນເທື່ອນີ້ ໂດຍແອັບທີ່ໃຊ້ງານກັບ Android 4.0 (API Level 14 ຂຶ້ນໄປ) ຈະຮອງຮັບຂະໜາດແອັບສູງສຸດ 100MB
ສ່ວນແອັບທີ່ໃຊ້ກັບ Android 3.2 (API Level 13 ລົງມາ) ຈະຍັງຈື່ຂະໜາດໄວ້ທີ່ 50MB ເທົ່າເກົ່າ ຊຶ່ງນັ້ນກໍ່ໝາຍຄວາມວ່າຄວາມຈຸເທິງພື້ນທີ່ໃຊ້ສອຍຂອງມືຖືແອນດຣອຍກໍຫ໌ດລົງເຊັ່ນກັນ ຢ່າງໃດກໍຕາມ ແອັບທີ່ດາວໂຫຼດຜ່ານ Play Store ສາມາດດາວໂຫຼດໄຟລ໌ເສີມໄດ້ອີກ 4GB