spot_img
Homeວິທະຍາສາດ-ວິທະຍາການປະສາດສຳຜັດທາງກິ່ນອາດບົ່ງບອກໄດ້ວ່າຈະມີອາຍຸຍາວ ຫຼື ສັ້ນ

ປະສາດສຳຜັດທາງກິ່ນອາດບົ່ງບອກໄດ້ວ່າຈະມີອາຍຸຍາວ ຫຼື ສັ້ນ

Published on

ເປັນ​ທີ່​ຮູ້​ກັນ​ດີ​ວ່າ​ປະສາດ​ສຳ​ຜັດ​ດ້ານ​ກິ່ນ ​ແລະ ​ລົດ​ຊາດ​ຂອງ​ເຮົາ​ນັ້ນ​ຈະ​ອ່ອນ​ລົງ​ເລື້ອ​ຍໆ​ເວລາ​ທີ່​ເຮົາ​ອາ​ຍຸ​ຫລາຍ​ຂຶ້ນ ແລະ​ ງານ​ວິ​ໄຈ​​ໃໝ່​ກໍ​ໄດ້​ຊີ້​ໃຫ້​ເຮົາ​ເຫັນ​ແລ້ວ​ວ່າ​ວິທີ​ທີ່​ສັດ​ຕ່າງໆ​ນັ້ນ​ຮັບ​ຮູ້ ຫຼື ​ບົ່ງບອກ​ໃນ​ການ​ຮັບ​ຮູ້​ກິ່ນ​ນັ້ນ​ອາດຈະ​ຖືກ​ໃຊ້​ເພື່ອ​ຄາດ​ເດົາ​ວ່າ​ພວກ​ມັນ​ຈະ​ມີ​ຊີວິດ​ຍືນ​ຍາວ​ຊ່ຳໃດ

6b6f5493ad66859ee7626e73a4f15a07

ກຸ່ມ​ນັກ​ວິ​ໄຈ​ຈາກ Salk Institute for Biological Studies ທີ່​ສະ​ຫາລັດ ອາເມຣິກາ ​ນັ້ນ​ໄດ້​ສຳຫ​ລວດ​ວິທີ​ທີ່ໜອນ​ນັ້ນ​ຍ່າງໄປຫາອາຫານທີ່ພວກມັນມັກກິນ ແລະ​ ມັນ​ໄດ້​ເຮັດໃຫ້​​ພວກເຂົາ​ສາມາດ​ຄາດ​ເດົາໄດ້​ວ່າ​ສັດ​ເຫລົ່າ​ນັ້ນ​ຈະ​ມີ​ຊີວິດ​ຢູ່​ໄດ້​ອີກ​ດົນ​ ຫຼື ​ບໍ່

“ເຮົາ​ບໍ່​ໄດ້​ກຳ​ລັງ​ບອກວ່າ​ຄວາມ​ສາມາດ​ໃນ​ການ​ຮັບ​ຮູ້​ກິ່ນ​ຂອງ​ເຈົ້າ​ນັ້ນ​ຈະ​ເຮັດໃຫ້​ເຈົ້າ​ມີ​ຊີວິດ​ທີ່​ຍາວ​ຂຶ້ນ” Streekanth Chalasani ຊຶ່ງ​ເປັນ​ໜຶ່ງ​ໃນ​ທີມ​ນັກ​ວິ​ໄຈ​ກ່າວ “ແຕ່​ພຶດຕິກຳ​ທາງ​ກິ່ນ​​ນັ້ນ​ມີ​ຄວາມ​ເປັນ​ໄປ​ໄດ້​ວ່າ​ຈະ​ເປັນ​ໂຕ​ບົ່ງ​ບອກ​ເຖິງ​ກົນ​ໄກ​ທາງ​ຊີວະ​ພາບ​ທີ່​ຢູ່​ເບື້ອງ​ຫລັງ”

ທີມ​ນັກ​ວິ​ໄຈ​ນັ້ນ​ໄດ້​ທຳການ​ສຳ​ຫລວດ​ການເຮັດວຽກງານ​ຂອງ​ສະໝອງ​ໜອນ​ພະຍາດ​ໂຕ​ກົມ ຫຼື Caenorhabditis elegans ວ່າ​ຕອບສະໜອງ​ຕໍ່​ສານ benzaldehye ຊຶ່ງ​ເປັນ​ສານ​ເຄ​ມີ​ທີ່​ມີ​ກິ່ນ​ຄື​ກັບ​ອັນ​ມອນ​ຢ່າງໃດ ຊຶ່ງ​ພວກ​ພວກເຂົາ​ພົບ​ວ່າ​ເຊລ໌​ທີ່​ຕອບສະໜອງ​ຕໍ່​​​ສິ່ງ​ແວດ​ລ້ອມ​ນັ້ນ​ໄດ້​ຖືກ​ແບ່ງ​ອອກ​ເປັນ 2 ກຸ່ມ ໂດຍ​ເຊລ໌​ປະສາດ​ຫລັກ​ນັ້ນ​ຈະ​ຕອບສະໜອງ​ຕໍ່ benzaldehyde ໃນ​ຂະນະ​ທີ່​ເຊລ໌​ປະສາດ​ຮອງ​ນັ້ນ​ຈະ​ຕອບສະໜອງ​ຕໍ່​ສັນ​ຍານ​ທີ່​ຖືກ​ສົ່ງ​ມາ​ຈາກ​ເຊລ໌​ປະສາດ​ຫລັກ

ໃນ​ໜອນ​ທີ່​ຍັງມີ​ອາ​ຍຸ​ນ້ອຍ​ຢູ່​ນັ້ນ ວົງ​ຈອນ​ປະສາດ​ນີ້​ເຮັດວຽກ​ໄດ້​ຢ່າງ​ປົກກະຕິ ແຕ່​ເມື່ອ​ມັນ​ມີ​ອາ​ຍຸ​ຫລາຍ​ຂຶ້ນ ເຊລ໌​ປະສາດ​ທີ່​ຢູ່ໃນ​ກຸ່ມ​ຮອງ​ນັ້ນ​ຈະ​ເລີ່ມ​ມີ​ປະຕິ​ກິ​ລິ​ຍາ​ຕອບສະໜອງ​ຈາກ​ເຊລ໌​ປະສາດ​ຫລັກ​ໜ້ອຍ​ລົງ​ເລື້ອຍ​ໆ ຊຶ່ງ​ຫລັງ​ຈາກ​ທີ່​ພວກເຂົາ​ໄດ້​ສັງເກດ​ເຫັນ​ຄວາມ​ເປັນ​ໄປ​ດັ່ງ​ກ່າວ​ແລ້ວ ທາງ​ນັກ​ວິ​ໄຈ​ກໍ​ສາມາດ​ທີ່​ຈະ​ສະແດງ​ເຖິງ​ຄວາມ​ສຳພັນ​ກັນ​ລະຫວ່າງ​ຄວາມ​ສາມາດ​ໃນ​ການ​ຮັບ​ຮູ້​ກິ່ນ​ທີ່​ມີ​ປະ​ສິດ​ທິ​ພາບ​ຕ່ຳ (ຊຶ່ງ​ວັດ​ໂດຍ​ການ​ເຄື່ອນ​ໄຫວ​ຂອງ​ໜອນ​ໄປ​ຍັງ​ສານ benzaldehyde) ກັບ​ປະຕິ​ກິ​ລິ​ຍາ​ຂອງ​ເຊລ໌​ປະສາດ​ຮອງ​ ແລະ​ ອາ​ຍຸ​ໄຂ​ຂອງ​ໜອນ

ທ້າຍ​ທີ່ສຸດ​ແລ້ວ ໜອນ​ທີ່​ມີ​ອາ​ຍຸ​ຫລາຍກວ່າ​ ແລະ ​ສະແດງ​ໃຫ້​ເຫັນ​ວ່າ​ມີ​ຄວາມ​ສາມາດ​ໃນ​ການ​ຮັບ​ຮູ້​ກິ່ນ​ດີກວ່າໂຕອື່ນໆ​ນັ້ນ​ມີ​ອາ​ຍຸ​ຍືນ​ຍານ​ກວ່າ​ໜອນ​ໂຕ​ອື່ນໆ​ທີ່​ມີ​ປັນຍາ​ໃນ​ການ​ຫາ​ແຫລ່ງ​ຕົ້ນ​ຕໍ​ຂອງ benzaldehyde ຢູ່​ປະ​ມານ 16%

“ເຖິງແມ່ນວ່າ​ສັດ​ເຫລົ່າ​ນີ້​ຈະ​ເປັນ​ພີ່​ນ້ອງ​ກັນ ​ແລະ ​ມີ​ຍີນ​ຄ້າຍ​ໆ​ກັນ​ກໍ​ຕາມ ຖ້າ​ຫາກ​ເບີ່ງ​ເຂົ້າ​ໄປ​ເຖິງ​ລະ​ດັບ​ການເຮັດວຽກງານ​ຂອງ​ເຊລ໌​ປະສາດ ປະ​ສິດ​ທິ​ພາບ​ທາງ​ພຶດຕິກຳ ອາ​ຍຸ​ໄຂ​ແລ້ວ​ ຈະ​ພົບ​ວ່າ​ມັນ​ມີ​ຄວາມ​ແຕກ​ຕ່າງ​ກັນ​ຢ່າງ​ຫລວງຫລາຍ” Chalasani ກ່າວ “ບາງ​ທີ​ນັ້ນ​ອາດຈະ​ເປັນ​ເພາະ​ວ່າ​ສັດ​ບາງ​ໂຕ​ນັ້ນ​ມີ​ການ​ສົ່ງ​ສັນ​ຍານ​ລະຫວ່າງ​ເຊລ໌​ປະສາດ​ຫລັກ ​ແລະ​ ເຊລ໌​ປະສາດ​ຮອງ​ທີ່​ດີກວ່າ​ໂຕ​ອື່ນໆ​ກໍ​ເປັນ​ໄດ້”

ການ​ຄົ້ນ​ພົບ​ດັ່ງ​ກ່າວ ຊຶ່ງ​ຖືກ​ຕີ​ພິມ​ໃນ​ວາລະ​ສານ eLife ນັ້ນ​ອາດ​ຊ່ວຍ​ໃຫ້​ເຮົາ​ເຂົ້າໃຈ​ດີ​ຂຶ້ນ​ເຖິງ​ວິທີ​ການ​ຕໍ່ສູ້​ກັບ​ຜົນ​ກະທົບ​ທີ່​ເກີດ​ຈາກ​ອາຍຸໄຂໄດ້ ຖ້າ​ຫາກ​ເຮົາ​ສາມາດ​ຫາ​ວິທີ​ທີ່​ຈະ​ຈັດການ​ກັບ​ລະບົບ​ປະສາດ​ ແລະ ​ຄວບ​ຄຸມ​ວິທີ​ທີ່​ເຊລ໌​ປະສາດ​ຫລັກ​ ແລະ​ ເຊລ໌​ປະສາດ​ຮອງ​ມີ​ປະຕິ​ສຳພັນ​ໄດ້​ ເຮົາ​ກໍ​ອາດຈະ​ສາມາດ​ທີ່​ຈະ​ຟື້ນ​ຟູ​ການເຮັດວຽກງານ​ຂອງ​ສະໝອງ​ທີ່​ສູນ​ເສຍ​ໄປ​ເວລາ​ທີ່​ເຮົາ​ມີ​ອາ​ຍຸ​ຫລາຍ​ຂຶ້ນ ຊຶ່ງ​ບໍ່ແມ່ນ​ແຕ່​ສະເພາະ​ໃນ​ໜອນ ແຕ່​ລວມ​ເຖິງ​ສັດ​ອື່ນໆ​ດ້ວຍ​ເຊັ່ນ​ກັນ

“ມີ​ຄຳ​ຖາມ​ອີກ​ຫລວງຫລາຍ​ກ່ຽວກັບ​ວ່າ​ແມ່ນຫຍັງ​ທີ່​ປ່ຽນ​ແປງ​ໄປ​ເວລາ​ທີ່​ສັດ​ນັ້ນ​ມີ​ອາ​ຍຸ​ຫລາຍ​ຂຶ້ນ” Sarah Leinwand ຊຶ່ງ​ເປັນ​ໜຶ່ງ​ໃນ​ທີມ​ນັກ​ວິ​ໄຈ​ກ່າວ “ເຮົາ​ຕ້ອງ​ການ​ທີ່​ຈະ​ຖ້າ​ເບິ່ງ​ວ່າ​ມີ​ຫຍັງ​ແດ່ທີ່​ມີ​ການ​ປ່ຽນ​ແປງ​ ແລະ​ ເຮັດໃຫ້​ສັດ​ບາງ​ຊະນິດ​ມີ​ການເຮັດວຽກງານ​ຂອງ​ລະບົບ​ປະສາດ​ທີ​ດີ​ຂຶ້ນ​ ແລະ ​ມີ​ອາ​ຍຸ​ທີ່​ຍາວນານ​ຍິ່ງ​ຂຶ້ນອີກ​”

ບົດຄວາມຫຼ້າສຸດ

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...