ຕາມການລາຍງານຈາກແຫຼ່ງຂ່າວຕ່າງປະເທດໃຫ້ຮູ້ວ່າ ເມື່ອວັນທີ 21 ກັນຍານີ້, ຢູ່ທີ່ນະຄອນຫຼວງຮ່າໂນຍຂອງຫວຽດນາມ, ໃນເວລາພົບປະເຈລະຈາກັບທ່ານຫງຽວນເຕີນຢຸງ, ນາຍົກລັດຖະມົນຕີຫວຽດນາມ, ທ່ານເອຣິກ ສິດວິກ, ຜູ້ຮັບຜິດຊອບຂອງທະນາຄານພັດທະນາອາຊີຫຼື ADB ປະຈຳຫວຽດນາມຄົນໃໝ່ໄດ້ກ່າວວ່າ: ADB ໄດ້ຄາດຄະເນແລະປັບຂຶ້ນຈັງຫວະການເຕີບໂຕຂອງເສດຖະກິດຫວຽດນາມປີ 2015 ເປັນ 6,5%. ທ່ານຍັງຄາດຄະເນວ່າ, ຈັງຫວະການເຕີບໂຕຂອງເສດຖະກິດຫວຽດນາມປີ 2016 ອາດຈະບັນລຸເຖິງ 6,6%.
ຕາມຂ່າວແຈ້ງວ່າ ທ່ານເອຣິກເຫັນວ່າ ຈັງຫວະການເຕີບໂຕຂອງເສດຖະກິດຫວຽດ ນາມປີ 2015 ມີການເລັ່ງລັດໄວຂຶ້ນ, ເຊິ່ງມີສາເຫດດັ່ງນີ້ຄື, ໃນຮອບ 3 ປີຜ່ານມາ, ຈັງຫວະການເຕີບໂຕຂອງເສດຖະກິດຫວຽດໄດ້ຮັກສາຄວາມໝັ້ນທ່ຽງມາໂດຍຕະຫຼອດ, ປະຈຸບັນພວມກ້າວເຂົ້າສູ່ເສັ້ນທາງເຕີບໂຕຢ່າງຕໍ່ເນື່ອງ ຂະໜາດເສດຖະກິດໂດຍລວມມີຄວາມໝັ້ນທ່ຽງ ອັດຕາເງິນເຟິ້ໄດ້ຮັກສາຢູ່ໃນລະດັບອ່າວຕ່ຳ ລັດຖະບານຫວຽດນາມໄດ້ຄວບຄຸມງົບປະມານການເລິນເປັນຢ່າງດີແລະບໍ່ໄດ້ໃຊ້ຈ່າຍເກີນງົບປະມານຫຼາຍ ຄັງສຳຮອງເງິນຕາຕ່າງປະເທດໄດ້ສືບຕໍ່ເພີ່ມຂຶ້ນແລະອື່ນໆ.
