ຂປລ. ຕາມຂ່າວ ຕ່າງປະເທດ, ວັນທີ 21 ກັນຍາ 2015, ປະຊາກອນຫວຽດນາມ 43 ລ້ານຄົນ ຫລຸດພົ້ນ ອອກຈາກ ຄວາມທຸກຍາກ, ນີ້ແມ່ນຕົວເລກທີ່ ລັດຖະບານ ຫວຽດນາມ ແລະ ສປຊ ໄດ້ປະກາດ ໝາກຜົນ 15 ປີ ແຫ່ງ ການປະຕິບັດ ເປົ້າໝາຍ ສະຫັດ ສະວັດຢູ່ ຫວຽດນາມ ໂດຍກະຊວງ ແຜນການ ແລະ ການລົງທຶນ ຫວຽດນາມ ຈັດຕັ້ງຂຶ້ນຢູ່ ນະຄອນຫລວງ ຮ່າໂນ້ຍ ຂອງຫວຽດນາມ.
ໃນບົດລາຍງານ ໄລຍະ15 ປີ ແຕ່ປີ 2001-2015 ໄດ້ຊີ້ໃຫ້ເຫັນ ການຈະເລີນ ເຕີບໂຕ ເສດຖະກິດ ຂອງຫວຽດນາມ ບັນລຸ ໃນລະດັບສູງ ພໍສົມຄວນ ໂດຍສະເພາະ ໄລຍະ 2000-2008 ສາມາດ ບັນລຸ ສະເລ່ຍ ກວ່າ 7% / ປີ. ນອກນີ້ ຍັງໄດ້ສຳເລັດ ເປົ້າໝາຍ ສະຫັດ ສະວັດ ໃນການລົບລ້າງ ຄວາມທຸກຍາກ, ບັນລຸ ການສຶກສາ ຂັ້ນປະຖົມ ພາກບັງຄັບ, ຊຸກ ຍູ້ ຄວາມສະເໝີພາບ ລະຫວ່າງ ຍິງ-ຊາຍ ແລະ ຄວາມຄືບໜ້າ ໃນບັນດາ ຄາດໝາຍ ດ້ານສາທາລະນະສຸກ. ຂະນະນີ້ ຫວຽດນາມ ໄດ້ລະດົມ ແຫລ່ງກຳລັງ ເພື່ອນຳເອົາ ບັນດາ ຜົນງານ ອັນໃຫຍ່ຫລວງ ກ່ຽວກັບ ການເຕີບໂຕ ເສດຖະກິດ ແລະ ການລົບລ້າງ ຄວາມທຸກຍາກ ມາສູ່ປະເທດ.
ແຫລ່ງຂ່າວ:
