ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນຕອນຄ່ຳຂອງວັນທີ 12 ກັນຍານີ້, ຢູ່ຖະໜົນ 13 ໃຕ້ ເຂດບ້ານສົມປະເສີດ ເມືອງປາກງື່ມ ນະຄອນຫລວງວຽງຈັນ ໄດ້ເກີດເຫດລົດໃຫຍ່ຕຳລົດຈັກ ຢ່າງຮຸນແຮງ ສົ່ງຜົນໃຫ້ຜູ້ຂັບຂີ່ລົດຈັກເສຍຊີວິດ ແລະ ໃນຕອນດຶກຂອງວັນດຽວກັນ, ຢູ່ບ້ານດົງປາແຫລບ ເມືອງຈັນທະບູລີ ນະຄອນຫລວງວຽງຈັນ ໄດ້ມີລົດຈັກຕຳເອົາທ້າຍລົດໃຫຍ່ທີ່ຈອດຢູ່ແຄມທາງ ຢ່າງແຮງ ເຮັດໃຫ້ຜູ້ຂັບລົດຈັກຊື່ທ້າວ ອານຸສັກ ອາຍຸ 24ປີ, ກຳມະກອນ ຢູ່ບ້ານໜອງປິງ, ເມືອງຈັນທະບູລີ ເສຍຊີວິດຄາທີ່.
ເຈົ້າໜ້າທີ່ ຈະລາຈອນ ໄດ້ໃຫ້ທັດສະນະວ່າ: ອຸປະຕິເຫດສ່ວນໃຫຍ່ແມ່ນເກີດຈາກການດື່ມສິ່ງມຶນເມົາແລ້ວຂັບຂີ່, ບໍ່ປະຕິບັດກົດລະບຽບຈະລາຈອນ ແລະ ບາງຄັ້ງກໍເກີດຈາກໄພທຳມະຊາດ ເປັນຕົ້ນໄລຍະນີ້ ແມ່ນລະດູຝົນ ເຊິ່ງເຮັດໃຫ້ເສັ້ນທາງບາງເສັ້ນ ມືນ, ປຽກຈຶ່ງພາໃຫ້ເກີດອຸປະຕິເຫດໄດ້ງ່າຍ. ດັ່ງນັ້ນ ຈຶ່ງເຕືອນມາຍັງຜູ້ໃຊ້ລົດໃຊ້ຖະໜົນ ຈົ່ງລະມັດລະວັງໃຫ້ຫລາຍຂຶ້ນເພື່ອຫລີກລ້ຽງການເກີດອຸປະຕິເຫດ.
ແຫລ່ງຂ່າວ:
