ສຳນັກຂ່າວຕ່າງປະເທດ ລາຍງານໃນວັນທີ 13 ກັນຍາຜ່ານມານີ້ວ່າ ທາງການໄທ ແລະ ຈີນ ໄດ້ບັນລຸຂໍ້ຕົກລົງຮ່ວມກັນ ໃນກອງປະຊຸມການຮ່ວມມືດ້ານທາງລົດໄຟລະຫວ່າງສອງປະເທດ ໃນວັນທີ 11 – 12 ກັນຍາຜ່ານມາ ຊຶ່ງໄດ້ມີການເຈລະຈາກັນກ່ຽວກັບລາຍລະອຽດການອອກແບບເສັ້ນທາງ, ການບໍລິຫານຄຸ້ມຄອງ, ການຈັດຊື້ຈັດຈ້າງ ແລະ ແຫລ່ງທຶນໃນການກໍ່ສ້າງ ໂດຍໃນເບື້ອງຕົ້ນແມ່ນມີຄວາມເປັນໄປໄດ້ສູງ ສຳລັບແຜນໂຄງການທີ່ຈີນນຳສະເໜີ ແລະ ຄາດວ່າຈະມີການລົງນາມໃນກອງປະຊຸມຄັ້ງຕໍ່ໄປ ທີ່ຈະຈັດຂຶ້ນຢູ່ນະຄອນຫລວງປັກກິ່ງ ວັນທີ 28-29 ກັນຍານີ້.