ໃນໄລຍະທີ່ມີການເປີດຕົວ Galaxy note5 ແລະ Galaxy S6 ຫລາຍໆຄົນອາດຈະເຄີຍໄດ້ຍິນມາແດ່ເຖິງຂ່າວລືກ່ຽວກັບສະມາດໂຟນຕົວໃໝ່ຂອງ Samsung ທີ່ຄາດວ່າຈະເປີດຕົວໃນປີໜ້າຢ່າງ Galaxy S7 ທີ່ໃຊ້ຊື່ສັ້ນວ່າ Lucky
ຫລ້າສຸດຈາກແຫລ່ງຂ່າວທີ່ເຊື່ອຖືໄດ້ ໄດ້ກ່າວເຖິງສະມາດໂຟນຕົວໃໝ່ຂອງ Samsung ຢ່າງ Galaxy S7 ຫລືອີກຊື່ວ່າ Lucky ໄວ້ 3 ເລື່ອງໃຫຍ່ໆນັ້ນຄື 1. Galaxy S7 ຈະມາພ້ອມກັບໜ້າຈໍ 5.7 ນິ້ວ CPU ຕົວໃໝ່ Exynos 8890 ແລະຊິບເຊັດຈະຕ້ອງເປັນ Snapdragon 820 ແນ່ນອນ
- ໃນສ່ວນຂອງເລື່ອງ storage ແລະ SD cards ທາງແຫລ່ງຂ່າວໄດ້ຄາດໄວ້ວ່າ Samsung ກຳລັງຫາທາງເຮັດໃຫ້ UFS 2.0 ເຮັດວຽກຮ່ວມກັບ SD card ໄດ້, ແລະເລື່ອງສຸດທ້າຍເລື່ອງທີ່ 3 ຍັງມີການຄາດເດົາໄວ້ອີກວ່າ Samsung ຈະມີການທົດສອບໃນເລື່ອງກ້ອງຈະນຳໂມດູນກ້ອງ ISOCELL ຄວາມລະອຽດ 20 ລ້ານພິກເຊລ ທີ່ຈະນຳມາໃຊ້ໃນ Galaxy S7 ອີກດ້ວຍ
ແລະເຊັ່ນເຄີຍຢ່າງທີ່ເຄີຍໄດ້ກ່າວໄວ້ວ່າທັງໝົດນີ້ເປັນພຽງຂໍ້ມູນທີ່ຫລຸດອອກມາໃຫ້ເຮົາໄດ້ລຸ້ນກັນໃນໄລຍະຕົ້ນ ຊຶ່ງໃນອະນາຄົດອາດຈະມີການປ່ຽນຕ່າງໆໃຫ້ເໝາະສົມແລະດີຂຶ້ນໃນສະມາດໂຟນໃໝ່ຂອງ Samsung ໃຫ້ເຮົາໄດ້ລຸ້ນກັນຕໍ່ແນ່ນອນ
ທີ່ມາ gsmarena