ສຳນັກຂ່າວຕ່າງປະເທດລາຍງານວ່າ ໃນວັນທີ 8 ກັນຍາຜ່ານມານີ້ ສານຫວຽດນາມໄດ້ຕັດສິນຕັດອິດສະຫລະພາບ 20 ປີ ນາງ ເລິມຖິ ກຶມຫົ່ງແຮັງ ອາຍຸ 38 ປີີ ສັນຊາດອົດສະຕາລີ ຫລັງຈາກທີ່ຖືກຈັບກຸມພ້ອມເຮໂຣອີນ ນ້ຳໜັກ 376 ກຣາມ ທີ່ສະໜາມບິນເຕິ່ນເຊິ່ນເຍິດ ໃນນະຄອນໂຮ່ຈິມິນ ທາງພາກໃຕ້ຂອງຫວຽດນາມ ເມື່ອເດືອນທັນວາປີ 2014 ຜ່ານມາ ໂດຍນາງໄດ້ເຊື່ອງຢາເສບຕິດດັ່ງກ່າວໄວ້ໃນເສື້ອຊ້ອນໃນຂອງຕົນເອງ ເພື່ອວາງແຜນຈະຂົນຢາເສບຕິດດັ່ງກ່າວອອກຈາກຫວຽດນາມໄປອົດສະຕາລີ ຊຶ່ງໄດ້ຄ່າຈ້າງທັງໝົດ 5,000​ ໂດລາ ແຕ່ໄປບໍ່ລອດ ຖືກເຈົ້າໜ້າທີ່ຈັບກຸມ ແລະ ລົງໂທດຕາມກົດໝາຍຂອງຫວຽດນາມ.