ອີງຕາມການເປີດເຜີຍ ຂອງພັນຕີນາງ ດວງດີ ສີຫາ ເທບ ຮອງຫົວຫນ້າພະແນກ ສະຫະພັນແມ່ຍິງທະຫານນະ ຄອນຫຼວງວຽງຈັນໃຫ້ຮູ້ວ່າ: ສົກປີ 2012-2013 ນີ້, ກຸ່ມ ເງິນທ້ອນຂອງສະຫະພັນແມ່ ຍິງທະຫານນະຄອນຫຼວງ ວຽງຈັນ ມີເງິນທ້ອນເຖິງ 1.196.402.000 ກ່ວາ ກີບ.
ການເປີດເຜີຍດັ່ງກ່າວໄດ້ ມີຂຶ້ນໃນໂອກາດທີ່ສະຫະພັນແມ່ຍິງກອງບັນຊາການທະ ຫານນະຄອນຫຼວງວຽງຈັນ ໄດ້ເປີດກອງປະຊຸມປັນຜົນດອກເບ້ຍເງິນທ້ອນສົກປີ 2012-2013 ຂຶ້ນ ໃນຕອນເຊົ້າວັນທີ 12 ກັນຍານີ້ ໂດຍການເປັນປະທານຂອງສະ ຫາຍພົນຈັດຕະວາ ຄຳຫອມ ແສງບົວລົມ ເລຂາຄະນະພັກ ຫົວໜ້າການເມືອງກອງບັນຊາການທະຫານນະຄອນ ຫຼວງວຽງຈັນ, ມີທ່ານນາງ ວຽງພອນ ແກ້ວຄູນສີ ຮອງ ປະທານສະຫະພັນແມ່ຍິງນະ ຄອນຫຼວງວຽງຈັນພ້ອມບັນ ດາເອື້ອຍນ້ອງສະມາຊິກສະ ຫະພັນແມ່ຍິງເຂົ້າຮ່ວມ.
ສະຫາຍພັນຕີ ນາງ ດວງດີ ສີຫາເທບ ກ່າວວ່າ: ສະຫະ ພັນແມ່ຍິງໄດ້ເອົາໃຈໃສ່ປະ ຕິບັດກົດລະບຽບຂອງກອງທຶນຢ່າງເຂັ້ມງວດເຮັດໃຫ້ສະມາຊິກກອງທຶນໄວ້ເນື້ອເຊື່ອໃຈ ຕື່ນຕົວຫ້າວຫັນໃນ ການຝາກເງິນທ້ອນຢ່າງເປັນເອກກະພາບນັບມື້ນັບເຕີບໃຫ່ຍຂະຫຍາຍຕົວຢ່າງຕໍ່ເນື່ອງໃນວົງວຽນການກູ້-ຝາກຕາມເງື່ອນໄຂລວມ ແລະ ບຸກຄົນສາມາດຊ່ວຍເຫືຼອເຊິ່ງກັນ ແລະ ກັນໄດ້ເປັນຢ່າງດີ. ປັດຈຸບັນໄດ້ມີສະມາຊິກເງິນທ້ອນທັງໝົດ 474 ສະຫາຍ, ຍິງ 248 ສະຫາຍ, ມີເງິນທ້ອນທັງໝົດ 1.196.402.000 ກ່ວາກີບ ແລະ ສາມາດເກັບດອກເບ້ຍໄດ້ເຖິງ 473.417.000 ກີບ, ນອກນີ້ຍັງມີເງິນສຳຮອງ 27.737.000 ກີບ, ເງິນສະ ຫວັດດີການ 27.719.000 ກີບ, ເງິນພັດທະນາ 14.404.000 ກີບ ອີກດ້ວຍ.