ສຳນັກຂ່າວຕ່າງປະທດ ລາຍງານໃນວັນທີ 8 ກັນຍານີ້ວ່າ ເກີດເຫດຟ້າຜ່າຄົນເສຍຊີວິດ ຢູ່ລັດອານທະຣະປະເທດ ແລະ ລັດໂອຣິດສາຂອງອິນເດຍ ໃນຂະນະທີ່ຜູ້ເຄາະຮ້າຍກຳລັງເຮັດວຽກຢູ່ໃນທົ່ງນາ ມີຜູ້ເສຍຊີວິດຢ່າງໜ້ອຍ 32 ຄົນ ໃນມື້ດຽວກັນ ຊຶ່ງເກີດຂຶ້ນໃນວັນທີ 6 ກັນຍາທີ່ຜ່ານມານີ້ ອັນເປັນຍອດຜູ້ເສຍຊີວິດຈາກຟ້າຜ່າທີ່ສູງຜິດປົກກະຕິ.

ດ້ານສຳນັກງານອຸຕຸນິຍົມວິທະຍາຂອງເມືອງໄຮເດີຣາບັດ ເມືອງເອກຂອງລັດອານທະຣະປະເທດເປີດເຜີຍວ່າ ລະບົບຄວາມກົດດັນອາກາດຕ່ຳຢູ່ອ່າວເບງການ ແມ່ນເປັນສາເຫດທີ່ເຮັດໃຫ້ເກີດຝົນຕົກໜັກ ແລະ ຟ້າຄະນອງໃນລະດູມໍລະສຸມຂອງອິນເດຍຄັ້ງນີ້.