spot_img
Homeຂ່າວພາຍ​ໃນທ່ານ ຈູມມາລີ ໄຊຍະສອນ ເຂົ້າຮ່ວມພິທີເປີດຕົວດາວທຽມ ດວງທຳອິດຂອງລາວ

ທ່ານ ຈູມມາລີ ໄຊຍະສອນ ເຂົ້າຮ່ວມພິທີເປີດຕົວດາວທຽມ ດວງທຳອິດຂອງລາວ

Published on

lao settellite

ໃນວັນທີ 2 ກັນຍານີ້, ຊຶ່ງເປັນມື້ທີ 9 ຂອງການຢ້ຽມຢາມ ສປ ຈີນ ຂອງທ່ານ ຈູມມາລີ ໄຊຍະສອນ ເລຂາທິການໃຫຍ່, ປະທານປະເທດແຫ່ງ ສປປ ລາວ ພ້ອມພັນລະຍາ ແລະ ຄະນະ ຊຶ່ງໄດ້ໄປສະຖາບັນອາວະກາດແຫ່ງ ສປ ຈີນ ເພື່ອຢ້ຽມຢາມໂຮງງານຜະລິດ ດາວທຽມ ແລະ ເປັນໂຮງງານຜະລິດ ດາວທຽມດວງທຳອິດຂອງລາວ
ແລະ ໄດ້ຮັບຟັງການລາຍງານສະພາບການຜະລິດ ດາວທຽມລາວດວງທຳອິດຈາກ ທ່ານ ເລີຍ ຝານເຜີຍ ປະທານກຸ່ມບໍລິສັດວິທະຍາສາດເຕັກໂນໂລຊີການບິນອາວະກາດ ສປ ຈີນ ແລະ ການກະກຽມຄວາມພ້ອມຂອງ ສປປ ລາວ ຈາກທ່ານ ຫຽມ ພົມມະຈັນ ລັດຖະມົນຕີວ່າການກະຊວງໄປສະນີ, ໂທລະຄົມມະນາຄົມ ແລະ ການສື່ສານວ່າ: ໃນເດືອນທັນວາ 2011, ກະຊວງໄປສະນີ, ໂທລະຄົມມະນາຄົມ ແລະ ການສື່ສານໄດ້ປັບປຸງ ແລະ ເຊັນສັນຍາການກໍ່ສ້າງໂຄງການດາວທຽມນີ້ ກັບບໍລິສັດ China APMT ແລະບໍລິສັດອຸດສາຫະກຳກຳແພງຍັກຂອງສປຈີນ ທີ່ນະຄອນຫລວງວຽງຈັນ, ໃນການຮ່ວມມືພັດທະນາໂຄງການ ດາວທຽມລາວແລະນັບແຕ່ນັ້ນມາ, ທັງສອງຝ່າຍກໍໄດ້ຮ່ວມມືກັນດຳເນີນການ ປະຕິບັດໂຄງການນີ້ຢ່າງມີຄວາມຮັບຜິດຊອບສູງ, ເພາະວ່າເປັນໂຄງການທີ່ມີຄວາມໝາຍ ສຳຄັນຫລາຍຕໍ່ການພົວພັນແລະຮ່ວມມື ລາວ-ຈີນ, ໂດຍສະເພາະໃນຂົງເຂດເຕັກໂນໂລຊີ ລະດັບສູງກໍຄືໃນການປະກອບສ່ວນ ເຂົ້າໃນການພັດທະນາເສດຖະກິດ ແລະສັງຄົມຂອງ ສປປ ລາວ.

ທ່ານ ຫຽມ ພົມມະຈັນ ໃຫ້ຮູ້ວ່າ : ໂຄງການໄດ້ດຳເນີນເປັນສອງໄລຍະຄື : ໄລຍະທີ 1 ແມ່ນໄລຍະການຜະລິດ ແລະສົ່ງດາວທຽມຂຶ້ນສູ່ວົງໂຄຈອນ, ພ້ອມທັງເປັນໄລຍະກໍ່ສ້າງສະຖານີບັນຊາ ພາກພື້ນດິນ, ເຊິ່ງມາຮອດປັດຈຸບັນໄດ້ສຳເລັດໂດຍພື້ນຖານ ແລະ ມີຄວາມພ້ອມທຸກຢ່າງແລ້ວຊຶ່ງຄາດວ່າ ດາວທຽມດວງນີ້ຈະໄດ້ສົ່ງຂຶ້ນສູ່ວົງໂຄຈອນ ໃນທ້າຍເດືອນພະຈິກ 2015 ທີ່ຈະມາເຖິງນີ້ ເພື່ອເປັນຂອງຂວັນອັນປະເສີດຕ້ອນຮັບວັນສະຖາປະນາ ສາທາລະນະລັດ ປະຊາທິປະໄຕປະຊາຊົນລາວຄົບຮອບ 40 ປີ.

ໄລຍະທີ2 ແມ່ນໄລຍະການດຳເນີນທຸລະກິດ ດາວທຽມທັງສອງຝ່າຍຈະໄດ້ຮ່ວມກັນສ້າງຕັ້ງ ບໍລິສັດຮ່ວມທຶນນຳກັນເພື່ອດຳເນີນທຸລະກິດດັ່ງກ່າວ ໃຫ້ເກີດຜົນປະໂຫຍດສູງສຸດໃຫ້ແກ່ສອງຝ່າຍ ແລະ ສຳລັບຝ່າຍລາວແມ່ນມີຄວາມມຸ້ງຫວັງ ຢາກໃຫ້ໂຄງການດາວທຽມດວງທຳອິດນີ້ ສາມາດສ້າງລາຍໄດ້ເພື່ອທົດແທນເງິນກູ້ ແລະ ເພື່ອສືບຕໍ່ຂະຫຍາຍໂຄງການນີ້ຕໍ່ໄປ ພ້ອມຈະເປັນການຍົກຖານະຂອງ ສປປລາວ ສູງເດັ່ນຂຶ້ນໃນວົງຄະນາຍາດສາກົນ.

ໃນງານເປີດຕົວດາວທຽມລາວດວງທຳອິດ ຂອງລາວນີ້ທ່ານເລຂາທິການໃຫຍ່ ຈູມມາລີ ໄຊຍະສອນ ໄດ້ໃຫ້ກຽດຕາງໜ້າການນຳສູງສຸດຂອງພັກ ແລະ ລັດແຫ່ງ ສປປ ລາວ ຕັດແຖບຜ້າເປັນສິລິມຸງຄຸນຢ່າງສູງໃຫ້ແກ່ດາວທຽມລາວ ແລະເປັນການຢັ້ງຢືນເຖິງຜົນສຳເລັດການພັດທະນາ ດາວທຽມລາວດວງທຳອິດ.

ຂ່າວຈາກ:
7892

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...