spot_img
Homeຂ່າວການສຶກສາແຂວງແລະນະຄອນຫຼວງ ເປັນຜູ້ອອກໃບປະກາດຈົບ ມ.

ແຂວງແລະນະຄອນຫຼວງ ເປັນຜູ້ອອກໃບປະກາດຈົບ ມ.

Published on

20140320150808

     ກະຊວງສຶກສາທິການ ແລະ ກິລາ ໄດ້ອອກແຈ້ງການກ່ຽວກັບ ການມອບໂອນ ການອອກໃບປະກາສະນີຍະບັດສາຍສາມັນຊັ້ນມັດທະຍົມສຶກສາຕອນຕົ້ນ ແລະ ຕອນ ປາຍໃຫ້ແຂວງ ແລະ ນະຄອນຫລວງ ເປັນຜູ້ຮັບຜິດຊອບເອງ ຕາມຂໍ້ຕົກລົງຂອງ ລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 1031/ສສກ.ມຍ/2014 ລົງວັນທີ 21 ມີນາ 2014, ວ່າດ້ວຍການມອບໂອນການສອບເສັງ ແລະ ອອກໃບປະກາສະນີຍະບັດຊັ້ນມັດທະຍົມສຶກສາດັ່ງກ່າວ ໃຫ້ແກ່ພະແນກສຶກສາທິການ ແລະ ກິລາ ແຂວງ ແລະນະຄອນຫລວງວຽງຈັນ ແລະ ຕາມແຜນການປັບປຸງຄຸນນະພາບການສຶກສາໃນແຕ່ລະໄລຍະ, ໂດຍການແບ່ງຂັ້ນຄຸ້ມຄອງລະຫວ່າງສູນກາງ ແລະ ທ້ອງຖິ່ນໃຫ້ມີຄຸນນະພາບ, ພ້ອມທັງຂະຫຍາຍໂອກາດ ການສຶກສາລົງໄປສູ່ເຂດຫ່າງໄກສອກຫລີກໃນຂອບເຂດທົ່ວປະເທດ, ໂດຍເລີ່ມແຕ່ສົກຮຽນ 2014-2015 ນີ້ເປັນຕົ້ນໄປແມ່ນມອບໃຫ້ແຂວງ, ນະຄອນຫລວງ ຮັບຜິດຊອບການອອກປະກາດສະນີຍະບັດຈົບ ຊັ້ນສາຍສາມັນສຶກສາຊັ້ນມັດທະຍົມສຶກສາຕອນຕົ້ນ ແລະ ຕອນປາຍ ທັງສະບັບເປັນ ພາສາລາວ ແລະ ພາສາຕ່າງປະເທດ ແລະໃບຢັ້ງຢືນຄະແນນສອບເສັງ,

ຊຶ່ງກົມມັດ ທະຍົມສຶກສາຈະເປັນຜູ້ຄຸ້ມຄອງບັນຊີລາຍຊື່ນັກຮຽນສອບເສັງຈົບຊັ້ນມັດທະຍົມສຶກສາຕອນປາຍ ແລະ ແຈ້ງຜົນການສອບເສັງອອກທາງເວັບໄຊຂອງກະຊວງ, ເຊິ່ງທ່ານສາມາດກວດ ສອບລາຍຊື່ຜູ້ທີ່ສອບເສັງຈົບຊັ້ນມັດທະຍົມສຶກສາຕອນປາຍໃນແຕ່ລະສົກຮຽນ,ໃນແຕ່ລະສົກຮຽນໄດ້ ແລະ ພ້ອມນັ້ນໄດ້ມອບໃຫ້ກົມພົວພັນຕ່າງປະເທດ, ກົມກິດຈະການນັກສຶກສາ ແລະ ກົມວິຊາການທີ່ກ່ຽວຂ້ອງແຈ້ງໄປຍັງພາກສ່ວນທີ່ກ່ຽວ ຂ້ອງທັງພາຍໃນ ແລະ ຕ່າງປະເທດຮັບຊາບ.

ຂອບໃຈຂ່າວຈາກ:
7892

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...