ອາການບວມນ້ຳຄືຄວາມບໍ່ສະບາຍທີ່ເກີດເນື່ອງຈາກປະລິມານນ້ຳໃນຮ່າງກາຍມີຫລາຍເກີນປົກກະຕິຊຶ່ງເຮັດໃຫ້ເກີດມີອາການຕາມມາຫລວງຫລາຍຕັ້ງແຕ່ຮູ້ສຶກອຶດອັດອືດອາດ ເຊື່ອງຊຶມ,ເຈັບຫົວ,ນອນບໍ່ດີ,ຂາບວມຄວາມດັນເລືອດສູງປວດປະຈຳເດືອນນ້ຳໜັກຂຶ້ນເປັນຕົ້ນ
ສາເຫດຂອງອາການບວມນ້ຳມີຫລາຍປັດໄຈຄື
1.ຮໍໂມນໃນຮ່າງກາຍໂດຍສະເພາະຮໍໂມນເພດປັ່ນປ່ວນເຮັດໃຫ້ເກີດອາການປວດປະຈຳເດືອນປວດຫລັງປວດແອວປວດຫົວທ້ອງອືດທ້ອງເສຍໜ້າແຂ້ງບວມເຮັດໃຫ້ຮູ້ສຶກໜັກຂາແລະນ້ຳໜັກຂຶ້ນນໍາຈະເກີດກ່ອນມີປະຈຳເດືອນທຸກເດືອນຫລືເກີດໃນຂະນະຖືພາທັງນີ້ເພາະຮໍໂມນໃນຮ່າງກາຍຜິດໄປຈາກຍາມປົກກະຕິ
ວິທີແກ້ຄື ນອກຈາກງົດອາຫານເຄັມແລ້ວຕ້ອງເພິ່ງກົດແກມມາໄລໂນເລນິກໂດຍກິນນ້ຳມັນດອກພິມໂຣສມື້ລະ 2 ກຣາມເປັນເວລາ3ເດືອນເມື່ອກິນນ້ຳມັນດອກພິມໂຣສບານຕ້ອງງົດນົມງົວຜະລິດຕະພັນຈາກນົມງົວ,ກາເຟ,ຊາຂຽວນໍາອີກ
2.ກິນເກືອໂຊດຽມຫລາຍເກີນໄປເພາະເກືອໂຊດຽມເມື່ອຢູ່ໃນຮ່າງກາຍມັນຈະຕ້ອງອຸ້ມນ້ຳເອົາໄວ້ສະເໝີເມື່ອມີເກືອໃນຮ່າງກາຍຫລາຍກໍຈະເກີດອາການບວມນ້ຳຫລາຍ
ວິທີແກ້ຄື ຫລຸດການກິນເຄັມລົງລວມທັງງົດການກິນແປ້ງນົວຢ່າງເດັດຂາດເພາະແປ້ງນົວຄືໂມໂນໂຊດຽມກູຕາເມດໂຊດຽມໃນແປ້ງນົວກໍຄືເກືອແບບດຽວກັບເກືອເຄັມໆແຕ່ເຜອິນແປ້ງນົວມັນມີລົດຫວານຈຶ່ງເຮັດໃຫ້ຄົນທົ່ວໄປບໍ່ໄດ້ລະມັດລະວັງເກືອໂຕນີ້
3.ແອນບູມິນຫລືໄຂ່ຂາວໃນເລືອດຕ່ຳຈະເຮັດໃຫ້ເລືອດບໍ່ສາມາດດຶງນ້ຳໄວ້ໄດ້ໃນຫລອດເລືອດນ້ຳຈຶ່ງຊຶມອອກໄປຢູ່ໃນເນື້ອເຍື່ອແລະເຮັດໃຫ້ເກີດອາການບວມນ້ຳເຊັ່ນ:ໃນກໍລະນີທີ່ເປັນພະຍາດຕັບ,ພະຍາດມະເຮັງໃນໄລຍະທ້າຍແລະພະຍາດຫມາກໄຂ່ຫລັງບາງຊະນິດທີ່ສູນເສຍໄຂ່ຂາວໄປທາງຍ່ຽວ
ວິທີແກ້ຄື ການກິນໄຂ່ຂາວທຸກມື້ເຊັ່ນມື້ລະ6-9ໜ່ວຍຫລືບໍ່ເຊັ່ນນັ້ນກໍຕ້ອງຮັບແອນບູມິນທາງເສັ້ນເລືອດດຳ
4.ມີກ້ອນຊີ້ນໄປຂວາງທາງເດີນຂອງນ້ຳເຫລືອງນ້ຳຈຶ່ງຄ້າງຢູ່ສ່ວນລຸ່ມຂອງຮ່າງກາຍເຮັດໃຫ້ຕີນບວມເຊັ່ນ:ຕຸ້ຍ,ຜູ້ຍິງທ້ອງມີກ້ອນໃນທ້ອງ,ມີຕັບໃຫຍ່
ວິທີແກ້ຄື ຕ້ອງເອົາກ້ອນນັ້ນອອກເຊັ່ນ:ຜ່າຕັດອອກຫລືເມື່ອນ້ຳໜັກຫລຸດລົງອາການບວມນ້ຳຈະຫລຸດລົງ
5.ການຢູ່ລ້າໆບໍ່ເຄື່ອນໄຫວເຮັດໃຫ້ນ້ຳຄ້າງຢູ່ໃນສ່ວນລຸ່ມຂອງຮ່າງກາຍເຊັ່ນ:ນັ່ງລົດເມນັ່ງເຄື່ອງບິນຢູ່ກັບບ່ອນດົນໆ