spot_img
Homeຂ່າວການພັດທະນາເສັ້ນທາງທົ່ງປົ່ງເປ່ເພ ພາກສ່ວນກ່ຽວຂ້ອງ ຄວນເລັ່ງແກ້ໄຂ ກ່ອນເປີດສົກຮຽນໃໝ່

ເສັ້ນທາງທົ່ງປົ່ງເປ່ເພ ພາກສ່ວນກ່ຽວຂ້ອງ ຄວນເລັ່ງແກ້ໄຂ ກ່ອນເປີດສົກຮຽນໃໝ່

Published on

thongpong

ຂປລ. ​ທ່ານ​ຜູ້​ອ່ານ​ຫລາຍ​ຄົນ ​ທີ່​ສັນຈອນ​ໄປມາ ​ເສັ້ນທາງ​ເຂດບ້ານ​ທົ່ງ​ປົ່ງ ​ເຂົ້າ​ໄປ​ຫາ​ ກອງ​ຄຸ້ມ​ຄອງ​ພາຫະນະ ​ແລະ ການ​ຂັບ​ຂີ່ ນະຄອນຫລວງ​ວຽງ​ຈັນ ຕ່າງ​ກໍ​ສົ່ງ​ຂ່າວ​ເຂົ້າມາ​ຫາ​ ທິມງານ​ວຽງ​ຈັນ​ສະອາດ​ ພວກ​ເຮົາ​​ໃຫ້​ລົງ​ໄປ​ຕິດຕາມ​ເບິ່ງ ​ແລ້ວ​ນຳ​ເອົາ​ຂໍ້​ມູນ​ມາສະ​ເໜີ​ ໃຫ້ ​ພາກສ່ວນ​ກ່ຽວຂ້ອງ​ຮັບ​ຮູ້ ​ແລະ ຊອກ​ຫາ​ວິ​ທາງ​ແກ້​ໄຂ​ຢ່າງ​ເລັ່ງດ່ວນ ​ເພື່ອອຳນວຍ​ຄວາມ​ສະດວກ ໃຫ້​ແກ່​ການ​ສັນຈອນ ​ໃນ​ໄລຍະ​ເປີດ​ສົກຮຽນ​ໃໝ່​ ​ເພາະ​ເສັ້ນທາງ​ດັ່ງກ່າວ​ ເປັນ​ທາງ​ຜ່ານ​ໄປ ວິທະຍາ​ໄລ​ຄູ​ພາລະ​ສຶກສາ, ​ໂຮງຮຽນ​ມັດທະຍົມ ​ຕອນ​ປາຍ​ທົ່ງ​ປົ່ງ ​ແລະ ​ໂຮງຮຽນ​ອະນຸບານ, ປະຖົມຫລາຍ​ແຫ່ງ​ ຂອງ​ພາກ​ເອກະ​ຊົນ ​ແລະ ຍັງ​ເປັນ​ເສັ້ນທາງ​ຜ່ານ ຂອງ​ຫລາຍ​ບ້ານ ​ເຊັ່ນ: ທົ່ງ​ປົ່ງ, ​ໂພນ​ສະຫວາດ, ​ໂນ​ນແກ້ວ, ​ໂນນ​ຂີ້​ເຫລັກ ອອກ​ໄປ​ຫາ​ ບ້ານ​ຕາດ​ທອງ ​ເມືອງ​ສີ​ໂຄດ​ຕະບອງ ນະຄອນຫລວງ​ວຽງ​ຈັນ.

ຈາກ ​ການ​ລາຍ​ງານ​ສະພາບ​ດັ່ງກ່າວ ທິມງາມ​ວຽງ​ຈັນ​ສະ​ອາດ​ ພວກ​ເຮົາ​ກໍ​ໄດ້​ລົງ​ໄປ​ຕິດຕາມ ກໍ​ເຫັນວ່າ ​ເສັ້ນທາງ​ດັ່ງກ່າວ​ເປ່​ເພ, ​ເປິ​ເປື້ອນ, ​ເປັນ​ບວກ​ເປັນ​ຂຸມ​ຢ່າງ​ໜັກໜ່ວງ ສົ່ງ​ຜົນ​ໃຫ້ການ​ສັນຈອນ​ຕິດ​ຂັດ​ຫລາຍ ​ໂດຍ​ສະ​ເພາະ ​ແມ່ນ​ຈຸດ​ທາງ​ເຂົ້າວັດ​ທົ່ງ​ປົ່ງ ​ໄປ​ຫາບ້ານ​ໂພນ​ສະຫວາດ; ຜ່ານ​ການ​ໂອ້​ລົມ​ກັບ​ປະຊາຊົນ ​ທີ່​ອາ​ໄສ​ຢູ່​ເຂດ​ດັ່ງກ່າວ​ ຕ່າງ​ກໍ​ເວົ້າ ​ເປັນ​ສຽງ​ດຽວ​ກັນ​ວ່າ: “ເສັ້ນທາງ​ນີ້​ເພ​ມາ​ດົນ​ແລ້ວ ​ທຳ​ອິດ​ເກີດ​ຈາກ​ທໍລະ​ບາຍ​ນ້ຳຕັນ ຈຶ່ງ​ເຮັດ​ໃຫ້​ມີນ້ຳຖ້ວມ​ຂັງ ​ເກີດ​ເປັນ​ບວກ​ເປັນ​ຂຸມ ພໍ​ຮອດ​ລະດູຝົນ​ ນ້ຳຍິ່ງ​ຖ້ວມ​ຂັງ​ເລິກ​ກວ່າ​ເກົ່າ ​ໄລຍະ​ໜຶ່ງ​ທາງ​ພາກສ່ວນ​ກ່ຽວຂ້ອງ​ ກໍ​ໄດ້​ແກ້​ໄຂ​ແລ້ວ ​ໂດຍ​ການ​ເອົາ​ດິນ​ມາ​ຖົມ​ໃສ່​​ ໃຫ້​ພໍ​ສັນຈອນ​ໄປມາ​ໄດ້ ​ແຕ່​ວ່າ​ໃນ​ແຕ່ລະ​ມື້​ ມີ​ພາຫະນະທັງ​ລົດຈັກ, ລົດ​ໃຫຍ່ ​ແລະ ລົດ​ບັນທຸກ ສັນຈອນ​ຜ່ານ​ໄປມາ​ເສັ້ນທາງ​ດັ່ງກ່າວ​ ເປັນ​ຈຳນວນ​ຫລວງຫລາຍ ຈຶ່ງ​ເຮັດ​ໃຫ້​ເສັ້ນທາງ​​ເປັນ​ບວກ​ ເປັນ​ຂຸມ​ຄື​ເກົ່າ ​ແລະ ຍັງ​ກໍ່​ໃຫ້​ເກີດ​ອຸບັດ​ເຫດ​ຫລາຍ​ຄັ້ງ ດັ່ງນັ້ນ ຈຶ່ງ ​ຢາກ​ໃຫ້​ພາກສ່ວນ​ກ່ຽວຂ້ອງ​ ມາ​ຊ່ວຍ​ປັບປຸງ​ຕື່ມ​ອີກ ​ເພື່ອ​ອຳນວຍ​ຄວາມ​ສະດວກ​ ໃຫ້​ລູກ​ຫລານ​ໃນ​ໄລຍະ​ເຂົ້າ​ໂຮງຮຽນ ​ເພາະ​ອີກ​ບໍ່ພໍ​ເທົ່າ​ໃດ​ມື້​ ກໍ​ຈະ​ເປີດ​ສົກຮຽນ​ໃໝ່​ແລ້ວ”. ​ພ້ອມ​ດຽວ​ກັນ​ນີ້ ທິມງານ​ພວກ​ເຮົາຍັງ​ມີ​ໂອ ກາດ ​ໄດ້​​ລົມກັບ​ອຳນາດ​ການ​ປົກຄອງ ​ບ້ານ​ທົ່ງ​ປົ່ງ ກໍ​​​ເວົ້າ​ໃຫ້​ຟັງ​ວ່າ: “ທາງ​ພາກສ່ວນ​ກ່ຽວຂ້ອງ ກໍ​ຄື​ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ ນະຄອນຫລວງ​ວຽງ​ຈັນ ​ໄດ້​ມີ​ແຜນ​ຈະ​ປັບປຸງ​ ເສັ້ນທາງ​ດັ່ງກ່າວ​ແລ້ວ ​ໂດຍ​​ເລີ່​ມ​ແຕ່ທາງ​ ສາມ​ແຍກ​ໂຮງໝໍປິ່ນ​ປົວສຸຂະພາບຕາ ທົ່ງ​ປົ່ງ ຫາ ສາມ​ແຍກ​ບ້ານ​ຕາດ​ທອງ ​ເຊິ່ງປັດຈຸບັນ ຢູ່​ໃນ​ໄລຍະ​ການ​ສຳ​ຫລວດ ​ແລະ ກໍ່ສ້າງ​ຮ່ອງ​ລະບາຍ​ນ້ຳ ຢູ່​ເຂດ​ບ້ານ​​ໂນ​ແກ້ວ ​ເມື່ອ​ສຳ​ເລັດ​​ແລ້ວ ກໍ​ຈະ​ມາ​ປັບປຸງ​ເສັ້ນທາງ​ດັ່ງກ່າວ​ ໃນ​ໄວໆ​ນີ້”.​

ໄດ້ຍິນ​ແນວ​ນີ້​ແລ້ວ ​ ກໍ​ນັບ​ວ່າ​ເປັນ​ຂ່າວ​ດີ​ຂອງ​ປະຊາຊົນ ທີ່​ອາ​ໄສ​ຢູ່​ເຂດ​ດັ່ງກ່າວ ​ເພາະ​ຈະ​ໄດ້​ມີ​ເສັ້ນທາງ​ທີ່​ສະອາດ, ສາມາດ​ສັນຈອນ​ໄປມາ​ ໄດ້​ສະດວກ​ສະບາຍ​ກວ່າ​ເກົ່າ. ສະນັ້ນ, ​ທິມງານ​ວຽງ​ຈັນ​ສະອາດ​ ຈຶ່ງ​ຂໍ​ຮຽກຮ້ອງ​ໃຫ້​ ຜູ້​ຂັບ​ຂີ່​ທຸກ​ທ່ານ ​ ທີ່​ຈະ​ນຳ​ໃຊ້​ເສັ້ນທາງ​ດັ່ງກ່າວ​​ ໃນ​ໄລຍະ​ນີ້​​ໃຫ້ມີ​ຄວາມ​ອົດທົນ, ຂັບ​ຂີ່​ພາຫະນະ​ດ້ວຍ​ຄວາມ ລະມັດ ລະວັງ ​ເພື່ອ​ບໍ່​ໃຫ້​ເກີດ​ອຸບັດ​ເຫດ ​ແລະ ອີກ​ບໍ່​ດົນ​ເສັ້ນທາງ​ດັ່ງກ່າວ ​ກໍ​ຈະ​ໄດ້​ຮັບ​ການ​ປັບປຸງ ​​ໃຫ້​ສາມາດ​ສັນຈອນ​ໄປມາ​ ໄດ້​ຢ່າງ​ສະດວກ​ສະບາຍ​ແລ້ວ, ສິ່ງ​ນີ້​ສະ​ແດງ​ໃຫ້​ເຫັນ​ເຖິງ​ ຄວາມ​ເອົາ​ໃຈ​ໃສ່​ ຂອງ​ພາກສ່ວນ​ກ່ຽວຂ້ອງ ​ໃນ​ການ​ປັບປຸງ​ຊີວິດ​ການ​ເປັນ​ຢູ່​ ຂອງ​ປະຊາຊົນ​ໃຫ້​ສະດວກ​ສະບາຍ, ທັງ​ເປັນ​ການປະກອບສ່ວນ​ ໃນ​ການ​ພັດທະນາ​ ຕົວ​ເມືອງ​ວຽງ​ຈັນ​ ໃຫ້​ສະອາດ​ງາມ​ຕາ ​ແລະ ສວຍ​ງາມ ສົມວ່າ​ເປັນ​ເມືອງ​ເອກ ຂອງ ສປປ ລາວ.

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...