ສຳນັກຂ່າວຕ່າງປະເທດ ລາຍງານໃນວັນທີ 26 ສິງຫານີ້ວ່າ ກະຊວງປ້ອງກັນປະເທດສະຫະລັດອາເມຣິກາ ໄດ້ອອກມາເປີດເຜີຍໃນມື້ວານນີ້ (25 ສິງຫາ) ວ່າ ກອງທັບຕວກກີ ກຽມພ້ອມແລ້ວທີ່ຈະເຂົ້າຮ່ວມໃນປະຕິບັດການໂຈມຕີທາງອາກາດ ເພື່ອຖະຫລົ່ມກຸ່ມລັດອິດສະລາມ ຫລື ໄອເອັສ ໂດຍສະຫະລັດອາເມຣິກາ ແລະ ຕວກກີ ໄດ້ບັນລຸລາຍລະອຽດຂັ້ນສຸດທ້າຍຮ່ວມກັນ ສຳລັບການລວມເອົາກອງທັບຕວກກີ ເຂົ້າໄປເປັນສ່ວນໜຶ່ງໃນປະຕິບັດການພັນທະມິດຕໍ່ຕ້ານກຸ່ມໄອເອັສ ຊຶ່ງຄາດວ່າອາດມີການເຂົ້າສະໜາມຮົບຮ່ວມກັນ ໃນອີກບໍ່ພໍເທົ່າໃດມື້ຂ້າງໜ້ານີ້.